کورونا کے خلاف جنگ میں پولیس ،سول انتظامیہ کو تعاون دیتی رہے گی:پولیس سربراہ

سرینگر//دربار مو کے بعد گرمائی دارالحکومت سرینگر میں پولیس ہیڈ کواٹر نے منگل کو اپنا کام شروع کیا،جس دوران پولیس کے ڈائریکٹر جنرل دلباغ سنگھ پولیس ہیڈ کواٹر پہنچے جہاں افسران نے ان کا استقبال کیا ۔پولیس سربراہ کو رسمی گارڈ آف آنر بھی پیش کیا گیا۔سری نگر میں  پولیس ہیڈ کواٹر نے اپنے کام کا آغاز کرنے کے فورا بعد ہی ، ڈی جی پی نے سینئر پولیس افسران کی ایک میٹنگ کی صدارت کی جس میں ایڈیشنل ڈائریکٹر جنرل جاوید مجتبیٰ گیلانی،عبدالغنی میر ، آئی جی غریب داس ، وجے کمار ، آلوک کمار ، ڈی آئی جی وسطی کشمیر امت کمار ،  پولیس ہیڈ کواٹر کے اے آئی ایس جی ، ایس ایس پی بڈگام اور دیگر اعلی افسران نے شرکت کی۔ پولیس سربراہ نے  پولیس ہیڈ کواٹر سے تبدیل ہونے والے اعلیٰ پولیس افسراں ایڈیشنل ڈائریکٹر جنرل ایس جے ایم گیلانی اور عبدالغنی  میر سے نیک خواہشات کا اظہار کیا اور ان افسران کے کردار اور رول کو سراہا۔افسران سے اپنے خطاب کے دوران ، ڈی جی پی نے گذشتہ سال اضافی سہولیات کے ساتھ بنائے گئے تمام قرنطین مراکز کی بحالی کی ہدایت کی۔انہوں نے کہا کہ جموں میں آکسیجن کنسنٹریٹروں ، آکسیجن سلنڈر ، ایمبولینس وغیرہ جیسی سہولت کے ساتھ کرونا مثبت اہلکاروں کے لئے کرونانگہداشت کا مرکز تشکیل دیا گیا ہے۔ دلباغ سنگھ نے کہا کہ ہمارے کندھوں پر بہت بڑی ذمہ داری عائد ہوتی ہے اور یہ ہمارا پیشہ ورانہ اور اخلاقی فریضہ ہے کہ ہم ان مشکل وقتوں میں بھی اپنے عوام کے ساتھ کھڑے رہیں اور کورونا وائرس کے خلاف جنگ میں سول انتظامیہ کو ہر ممکن مدد اور مدد جاری رکھیں۔ انہوں نے افسران کو ہدایت کی کہ وہ وائرس کے پھیلاؤ پر قابو پانے کے لئے حکومت کی طرف سے جاری کردہ مشوروں کے مطابق تمام بہتر طریقوں پر عمل کریں۔ڈی جی پی نے کہا کہ ہمارے جوانوں کو انفیکشین ہو رہا ہیں کیونکہ لوگوں کی جانوں کے تحفظ کے لئے فورس انتھک کوشش کر رہی ہے۔ انہوں نے ڈپٹی ڈائریکٹر پراسیکیوشن ، پی ایچ کیو کی موت پر گہرے رنج و غم کا اظہار کیا جو کروناکی وجہ سے  فوت ہوگئے تھے۔