کشمیر ہاٹ میں جانکاری کیمپ منعقد

 سرینگر//ہینڈ کرافٹس محکمے نے کل کشمیر ہاٹ سرینگر میں دستکاروں کے لئے ایک کیمپ کا اہتمام کیا۔ا س موقعہ پر سرینگر ضلع سے تعلق رکھنے والے متعدد دستکاروں کو روزگار کے لئے دستکاری شعبہ اپنانے کے با رے میں جانکاری دی گئی۔جوائنٹ ڈائریکٹر ہینڈ ی کرافٹس نے دستکاروںکو مختلف ریاستی اورمرکزی معاونت والی سکیموں سے استفادہ کرنے پر زور دیا۔انہوںنے دستکاروں کو اس مقصد کے لئے اسسٹنٹ ڈائریکٹر ہینڈی کرافٹس میں اپنااندراج کرنے اور مختلف سکیموں سے فوائد اُٹھانے پر زودیا۔اسسٹنٹ ڈائریکٹر ہینڈی کرافٹس سرینگر نے دستکاروں کے ساتھ بات چیت کرتے ہوئے کیمپ کا اہتمام کرنے کے اہداف پر روشنی ڈالی۔اس موقعہ پرجوائنٹ ڈائریکٹر ہینڈ ی کرافٹس نذیر احمد میر مہمان خصوصی کی حیثیت سے موجود تھے۔جب کہ کیمپ میں پبلسٹی ونمائشی آفیسر ریاض احمد کائوسہ اور اسسٹنٹ ڈائریکٹر ہینڈی کرافٹس سرینگر مشتاق احمد شاہ کے علاوہ دیگر متعلقہ آفیسران بھی موجود تھے۔