محمد تسکین
بانہال// ڈائریکٹر جنرل آف ریلوے پروٹیکشن فورس آر پی ایف ہفتے کی صبح سے جموں و کشمیر کا دو روزہ دورے مکمل کرنے جے بعد واپس چکے گئے ہیں۔ دورے کے پہلے دن انہوں نے بانہال سے سنگلدان تک ریلوے سٹیشنوں اور ریلوے سیکورٹی کا جائزہ لیا جبکہ دورے کے دوسرے دن اتوار کے روز انہوں نے بارہمولہ ریلوے سٹیشن کا دورہ کرکے سیکورٹی انتظامات کا جائزہ لیا۔ڈائریکٹر جنرل ریلوے پروٹیکشن فورس منوج یادو کے ہمراہ ریلوے ، ارکان انٹرنیشنل اور کشمیر ریل پروجیکٹ کے دیگر حکام بھی موجود تھے۔ہفتے کی صبح دہلی سے سرینگر پہنچنے کے بعد ڈائریکٹر جنرل آف ریلوے منوج یادو کو گارڈ اف آنر پیش کیا گیا بعد میں ہفتے کی صبح گیارہ بجے وہ ایک خصوصی انسپکشن ریل کار کے ذریعے دوپہر بارہ بجے ریلوے سٹیشن بانہال پہنچے جہاں انہوں نے ریلوے سٹیشن اور آر پی ایف پوسٹ کا جائزہ لیا۔ انہوں نے ریلوے سٹیشن کھڑی ، سمبڑ اور سنگلدان کا بھی دورہ کیا اور ریلوے پروٹیکشن فورس کی تعیناتیوں اور ریلوے سٹیشنوں کا معائنہ کیا۔ ڈائریکٹر جنرل آف ریلوے پروٹیکشن فورس ہفتے کی شام واپس سرینگر پہنچںگئے اور اتوار کی صبح سرینگر ریلوے سٹیشن کے کانفرنس ہال میں ایک سرکھشا سمیلن میں خطاب کرنے کے بعد وہ خصوصی انسپکشن ریل کار سے بارہ مولہ روانہ ہوئے اور ریلوے سٹیشن بارہمولہ اور ریلوے پروٹیکشن فورس بارہمولہ کی پوسٹ کا انسپکشن کیا۔ اتوار کی سہہ پہر بعد ڈائریکٹر جنرل RPF سرینگر سے بذریعہ ہوائی جہاز جموں کیلئے روانہ ہوئے۔۔
