ٹپر حادثے میں 1شخص لقمہ اجل ،1زخمی

عاصف بٹ

کشتواڑ //اتوار کی شام کشتواڑ ضلع میں پیش آئے ایک سڑک حادثے میں ایک شخص لقمہ اجل بن گیا جبکہ ایک شدید زخمی ہے جس کو علاج معالجہ کیلئے ضلع ہسپتال کشتواڑ بھرتی کروایا گیا ہے ۔پولیس ذرائع کے مطابق اتوارکی شام کشتواڑ کے شالیمار علاقے میں ٹپر گاڑی زیرنمبر JK17 2949- سڑک پر پلٹ گئی جسکے فوری بعد پولیس و مقامی لوگوں نے بچائوکارروائی عمل میں لائی اور ٹپر کے نیچے سے ڈرائیور کو زخمی حالت میں باہر نکالا جسکی شناخت تنویر احمد لون ولد محمد سلطان ساکن ناگڑنہ کشتواڑ کے طور ہوئی جسے شدید چوٹیں آئیہیں اور اسکا علاج ضلع ہسپتال میں جاری ہے جبکہ اس حادثے میں ایک شخص لقمہ اجل بن گیا ہے جس کی شناخت سمیر حسین ولد محمد یاسین گوجر ساکن ٹنگ گواڑی کشتواڑ کے طورہوئی جو بطور ہیلپرکام کررہاتھا ۔پولیس نے اس سلسلہ میں مقدمہ درج کرکے مزید تحقیقات شروع کر دی ہیں ۔