ضلع اسپتالوں میںانسداد منشیات مراکز کے قیام کا فیصلہ

 سرینگر //محکمہ صحت نے تمام ضلع اسپتالوں میں  ایک ہفتہ کے اندر اندر ’’انسداد منشیات سہولیات‘‘دستیاب رکھنے کے احکامات صادر کردیئے ہیں۔ڈائریکٹر ہیلتھ سروسز کشمیر مشتاق احمد راتھر کی جانب سے جاری احکامات زیر نمبر PS/DHSK/2021/4204-26بتاریخ12جون 2021میںکہا گیا ہے کہ نیشنل ڈرگ ڈی پنڈنس ٹریٹمنٹ سینٹر(NDDTC) کی منظوری کے بعد آل انڈیا انسٹی ٹیوٹ آف میدیکل سائنسز نے کشمیر صوبے کے سبھی ضلع اسپتالوں میںانسداد منشیات علاج سہولیات مراکز قائم کرنے کی ہدایت دی ہے۔ تمام چیف میڈیکل آفیسران اورمیڈیکل سپر انٹنڈٹوں کو ہدایت دی گئی ہے کہ وہ ضلع اسپتالوں میں پہلے سے طے شدہ جگہوں پر  Addiction Treatment Facilityکو  7دنوں کے اندر اندر کارگر بنائیں۔ حکم نامہ میں بتایا گیا ہے کہ پلوامہ میں تعینات ذہنی بیماریوں کے ماہر ڈاکٹر مجید شفیع کو تمام اضلاع میں قائم ہونے والے ایکڈیکشن ٹریٹمنٹ سینٹروں کا نوڈل آفیسر بنایا گیا ہے اور وہ ایڈکیشن ٹریٹمنٹ سہولیات قائم کرنے میں چیف میڈیکل آفیسران اور میڈیکل سپر انٹنڈٹوں سے تعاون کریں گے۔