سنٹرل یونیورسٹی کشمیر میں نئی قومی تعلیمی پالیسی پرسمینار

گاندربل//شعبہ اسکول آف ایجوکیشن کے زیر اہتمام سنٹرل یونیورسٹی کشمیر میں منگل کو یونیورسٹی کے گرین کیمپس میں نئی تعلیمی پالیسی 2020  حوالہ سے’’نیشنل ایجوکیشن پالیسی 2020‘‘ کے عنوان سے ایک روزہ قومی سمینار کا انعقاد کیا۔وائس چانسلر پروفیسر معراج الدین میر نے سمینار کی صدارت کی ۔اس موقع پر رجسٹرارپروفیسر ایم افضل زرگر، امتحانات کے کنٹرولر پروفیسر پروین پنڈت،ڈائریکٹر آئی کیو سی پروفیسر فاروق اے شاہ ، شعبہ اسکول آف ایجوکیشن کے سربراہ ڈاکٹر سید ظہور گیلانی، سربراہ ایم پی آر سی ، پروفیسر ڈاکٹر شاہد رسول ، سابق سربراہ شعبہ سکول آف ایجوکیشن پروفیسر نگہت بسو اور سکالر موجود تھے۔اس موقع پر وائس چانسلر پروفیسر معراج الدین میر نے خطاب کرتے ہوئے کہا کہ نئی قومی تعلیمی پالیسی -2020 کے اہداف کو پورا کرنے کے لئے اسکولوں،کالجوں اور یونیورسٹیوں کو اکٹھے ہونے کی ضرورت ہے۔ اعلی تعلیم کا معیار نچلی سطح پر طلباء کے لئے طے شدہ معیارات پر منحصر ہے‘‘۔انہوں نے کہا کہ جب بھی ضرورت پیش آئے تو مطلوبہ انسانی وسائل کی فراہمی کے سلسلے میں زمینی سطح کے تعلیمی اداروں کو سنٹرل یونیورسٹی کی جانب سے ہمیشہ تعاون فراہم کرنے کے لئے تیار ہے۔انہوں نے یہ بھی تجویز دی کہ شعبہ سکول آف ایجوکیشن کو اسکول کے اداروں کے نمائندوں کے ساتھ ، مستقل بنیاد پر اجلاس طلب کرنا چاہئے تاکہ اسکولوں کی تعلیم سے متعلق امور کو حل کرنے کے موثر ذرائع تیار کئے جاسکیں۔انہوں نے سمینار میں موجود سکول کے سربراہوں سے کہا کہ وہ طلباء کو گاندربل کے مقامی لوگوں کے لئے یونیورسٹی کے ذریعہ مختلف شعبوں میں آگاہی فراہم کریں ، تاکہ وہ آئندہ سنٹرل یونیورسٹیوں کے مشترکہ داخلہ ٹیسٹ میں ان کے لئے مقابلہ کریں۔رجسٹرار پروفیسر ایم افضل زرگر نے اپنے خطاب میں کہا ہے کہ ’’یونیورسٹی تنہائی میں کام نہیں کر سکتی لیکن اس نے اسکولوں ، صنعتوں اور ملازمت فراہم کرنے والے دیگر اداروں کے ساتھ معنی خیز روابط استوار کرنے پر زور دیا‘‘۔ انہوں نے تجویز پیش کی کہ سنٹرل یونیورسٹی میں مزید اسکولوں کو اپنانے اور اس کے آس پاس میں کام کرنے کی صلاحیت موجود ہے ۔ڈائریکٹر آئی کیو اے سی پروفیسر فاروق اے شاہ نے شرکاء سے خطاب کرتے ہوئے کہا کہ کسی بھی پالیسی پر عمل درآمد اس کے حصہ داروں کے لئے ایک حقیقی امتحان اور چیلنج ہے اور نئی قومی تعلیمی پالیسی 2020 اس سلسلے بہتر رہے گی۔انہوں نے مزید کہا کہ اس پالیسی کے مختلف پہلو جیسے زمینی سطح پر بچپن کی دیکھ بھال اور تعلیم ، اس پالیسی کے مقاصد کے حصول میں غیر سرکاری تنظیموں کا کردار ، اسکول کمپلیکس اور مادری زبان اچھے خیالات ہیں اور اگر اس پر عمل درآمد کیا جاتا ہے۔امتحانات کے کنٹرولر پروفیسر پروین پنڈت نے پری اسکول کے بچوں کی پیشہ ورانہ نگہداشت سے وابستہ آنگن واڑی کارکنوں کی اہلیت پر غور کرنے اور ان کی پیشہ ورانہ تعلیم اور تربیت میں بہتری کی اشد ضرورت ہے۔سابق سربراہ پروفیسر نگہت بسو نے بی ایڈ کی کامیابیوں کے بارے میں بات کی۔شعبہ اسکول آف ایجوکیشن کے سربراہ ڈاکٹر سید ظہور گیلانی نے سمینارکے انعقاد کے مقاصد کے حصول کے بارے میں بات کرتے ہوئے کہا کہ اس پروگرام کے انعقاد کا بنیادی مقصد ان طریقوں اور ذرائع پر تبادلہ خیال کرنا تھا جس کے ذریعے سنٹرل یونیورسٹی کشمیر کے ترتیبی درجے کے تعلیمی ادارے کے معیار کو بہتر بنائیں گے۔