عظمیٰ نیوز سروس
سرینگر// محکمہ زراعت کے زیر اہتمام “سائنٹیفک مکھی پالن” کے موضوع پر دو روزہ سیمینار کل کشمیر ہاٹ سری نگر میں شروع ہوا۔ سیمینار کو نیشنل بی بورڈ نے نیشنل بی کیپنگ اینڈ ہنی مشن (NBHM) کے تحت سپانسر کیا ہے۔ سیمینار نے شہد کی مکھیاں پالنے والوں، کسانوں، اسٹیک ہولڈرز، طلباء اور بے روزگار نوجوانوں کو راغب کیا۔پروگرام کا افتتاح ڈائریکٹر زراعت کشمیر محمد الیاس خطیب نے کیا۔کسانوں کو مالی مراعات کے بارے میں آگاہ کیا گیا، بشمول شہد کی مکھیوں کے پالنے کے یونٹ پر 80% سبسڈی، جس کا مقصد خطے میں اس شعبے کو تقویت دینا ہے۔ادھر ڈپٹی کمشنرشوپیاں ششیر گپتا نے کل شہد کی مکھیوں کے پالن سے متعلق ایک دو روزہ سیمینار کا افتتاح کیا۔ڈی سی نے متعلقہ افسران پر زور دیا کہ وہ HADP سمیت مچھلی کی ترقی کی تمام اسکیموں کے فوائد ممکنہ کسانوں تک پہنچانے کو یقینی بنائیں۔
