سرینگر// جامع مسجد رنگ ٹینگ کاوڈارہ میں’ ذہنی تنائو، بڑھتی ہوئی خودکشی اور منشیات کے استعمال‘کے عنوان سے ایک کانفرنس کا انعقاد ہوا۔کانفرنس میںمعروف اسلامی اسکالر ، داعی اور سابق پیس ٹی وی اسپیکر بھوپال اطہر خان مہمان خصوصی تھے جبکہ بطور صدر پرائیویٹ سکولز ایسوسی ایشن جے اینڈ کے جی این وار ، ڈاکٹرس ایسوسی ایشن کشمیر کے سابق صدرڈاکٹر سہیل نائیک ، بزم توحید کے مولانا فاروق احمد اور ماہر نفسیات یقین الحق سکندر مقررین میں شامل تھے ۔اطہر خان نے منشیات کے استعمال کے معاملات میں اضافے کے اعداد و شمار کا حوالہ دیتے ہوئے کشمیر میں پریشان کن رجحان پر افسوس کا اظہار کیا۔ انہوں نے کہا کہ یہ برائیاں کچھ عرصہ پہلے تک کشمیر سماج کے لیے اجنبی تھیں۔انہوں نے کہا کہ اتار چڑھاؤ زندگی کا حصہ ہیں اور لوگوں کو زندگی بدلنے والے حالات سے نمٹنے کے لیے صلاحیتیں بنانی چاہئیں۔ ان کا کہنا تھا کہ اسلام میں خودکشی کے معاملات بہت کم ہیں ، انہوں نے کہا کہ مسلمانوں کا مضبوط عقیدہ نظام ہے جو انہیں خودکشی جیسے انتہائی قدم اٹھانے سے روکتا ہے۔اسلامک فرٹرنٹی کے صدر محمد عامر نے کہا کہ یہ کانفرنس وادی میں تشویشناک صورتحال کے بارے میں آگاہی پیدا کرنے کے لیے منعقد کی گئی تھی کیونکہ کشمیر میں خودکشی کے واقعات میں اضافہ اور منشیات کے استعمال کے معاملات میں کئی گنا اضافہ ہوا ہے۔انہوں نے کہا کہ اسلام اور مسلمانوں کے درمیان فاصلے بڑھ رہے ہیں جو کہ ان کے مطابق معاشرے میں دوسری سماجی برائیوں کے پیچھے بنیادی وجہ ہے۔ اس فضل کی تشویش کو دور کرنے کے لیے ، انہوں نے نجی اسکولوں کے مالکان کو تجویز دی اور پرزور درخواست کی کہ وہ نجی تعلیمی اداروں میں اسلامک اسٹڈیز کو لازمی بنائیں۔انہوں نے مزید کہا کہ گمراہ نوجوانوں کو سیدھے راستے کی رہنمائی اور مشاورت کے لیے سکولوں میں کونسلنگ سیل بنانے کی ضرورت ہے۔عامر نے کہا کہ ڈاکٹر ان معاشرتی برائیوں کو روکنے میں بھی ایک اہم کردار ادا کر سکتے ہیں جو رضاکارانہ طور پر سول سوسائٹی کے اراکین ، اسلامی اسکالرز اور دیگر معزز شہریوں سے مل کر انہیں معاشرے میں لعنت کے خاتمے کی حکمت عملی سے آگاہ کر سکتے ہیں۔پرائیویٹ سکولز ایسوسی ایشن آف جے اینڈ کے صدر انجینئر جی این وار نے کہا کہ ایک اچھی طرح سے منصوبہ بند سلسلہ ہے جو گاہکوں کو منشیات کی فراہمی کو یقینی بناتا ہے۔ان کا کہنا تھا’’ہمیں اس لعنت کو ختم کرنے کے لیے حکومت پر ہی صرف اکتفا نہیں کرنا چاہیے بلکہ اپنے معاشرے سے ان برائیوں کے خاتمے کے لیے ہر سطح پر خود اقدامات کرنا چاہیے۔ انجینئر وار کا کہنا تھا کہ پریشان کن حقیقت یہ ہے کہ طلباء کا ایک بڑا حصہ منشیات کے عادی بن رہا ہے اورہمیں ان لوگوں کی نشاندہی کرنے کی ضرورت ہے جو کشمیر میں ہمارے طلبائکو برباد کر رہے ہیں۔کشمیر میں مقیم ایک ماہر نفسیات یقین الحق سکندر نے منشیات کے عادی افراد کی ابتدائی علامات اور ابتدائی مرحلے میں ان کی شناخت اور علاج کے طریقے بتائے۔انہوں نے کہا کہ والدین کو اپنے بچوں کے حلقہ احباب کو بھی چیک کرنا چاہیے کیونکہ انہوں نے کہا کہ یہ تقریبا ناممکن ہے کہ کوئی بچہ خود ہی نشے کی لت میں پڑ جائے۔
’ذہنی تنائو ،بڑھتی ہوئی خودکشی اور منشیات کے استعمال‘
