عارف بلوچ
اننت ناگ//لیفٹیننٹ گورنر منوج سنہا نے کہا کہ مقدس شری امرناتھ جی یاترا سماجی اتحاد اور گہری اندرونی عکاسی کی علامت ہے۔زنانہ ڈگری کالج اننت ناگ میں 2 روزہ انٹرنیشنل مقدس امرناتھ یاترا عنوان کے تقریب پر ایل جی نے کہا کہ مقدس شری امرناتھ جی یاترا سماجی اتحاد اور گہری اندرونی عکاسی کی علامت ہے۔ صبر، دعا، اور الہی سے تعلق کا سفر، یہ ہمیں یاد دلاتا ہے کہ حقیقی روحانیت اسی میں ہے۔انہوں نے کہا امرناتھ یاترا ہندوستان کے روحانی شعور، ثقافتی ورثے اور انسانی اقدار کا زندہ مجسمہ ہے۔ ہمیں اس عظیم روایت کو برقرار رکھنا اور اسے تقویت دینا اور آنے والی نسلوں تک پہنچانا چاہیے۔
اس دوران منوج سِنہا نے کل سری نگر کے مائسمہ میں شری آنندیشور بھیرَو ناتھ جی مہاراج استھاپن میں شیو آچاریہ ابھی نوگپت جینتی اور نرجلا ایکادشی کے موقعہ پر منعقدہ رودر ابھیشیک تقریب میں شرکت کی۔اْنہوںنے عقیدت مندوں کے ساتھ بات چیت کی اور انہیں دلی مْبارک باد پیش کی۔اِس موقعہ پرلیفٹیننٹ گورنر نے کہا کہ شری آنندیشور بھیرو ناتھ جی مہاراج استھاپن جموں کشمیرمیں ایک قابل قدر اورمحبوب مقام رکھتا ہے۔لیفٹیننٹ گورنر نے سب کے امن، خوشحالی اور بھلائی کے لئے خصوصی دعائیں کیں۔ اْنہوں نے کہا کہ عظیم سنتوں اور رشیوں کا نظریہ ہمیں یاد دِلاتا ہے کہ ہماری اجتماعی ترقی اور ہم آہنگی ایک دوسرے سے خوبصورتی سے جڑی ہوئی ہے۔تقریب میں شری آنندیشور بھیرَو ناتھ استھاپن ٹرسٹ کی اِنتظامی اور تنظیمی کمیٹی کے اراکین بشمول صدر شری اومکار ناتھ بھٹ ، نائب صدرشری ہری کرشن کول، ایگزیکٹیو ممبرشری ہیرا لال کول ، جوائنٹ سیکرٹری شری پشپتی ناتھ کول اور سیکرٹری شری وِجے ساس موجود تھے۔
