سرینگر//دلی میں کشمیرکی صورتحال کااحاط کرتے ہوئے مرکزی وزیرداخلہ راجناتھ سنگھ نے اپوزیشن لیڈران کویاتریوں کی حفاظت کیلئے کئے گئے اقدامات کی جانکاری فراہم کی ۔ مرکزی وزیرداخلہ نے بتایاکہ یاتریوں کی سلامتی کیلئے حفاظتی انتظامات مزیدسخت کردئیے گئے ہیں ۔راجناتھ سنگھ نے اپوزیشن لیڈران کوبتایاکہ کشمیر وادی میں ملی ٹنسی کاخاتمہ بہت جلدہوگاکیونکہ سیکورٹی فورسزکوجنگجوئوں کیخلاف حالیہ کچھ ماہ کے دوران بڑی اوراہم کامیابیاں حاصل ہوئی ہیں۔اس دوران کشمیرکی صورتحال اوریاتریوں کی حفاظت کاجائزہ لینے کیلئے آرمی چیف جنرل بپن راوت نے قومی سلامتی کے مشیراجیت کمارڈوئول کیساتھ میٹنگ کی ۔میٹنگ میںسرینگرجموں شاہراہ کی دن رات سخت نگرانی رکھنے کے علاوہ کسی بھی یاتری گاڑی کوشام دیرگئے سفرکی اجازت نہ دینے کاکافیصلہ لیاگیا۔ آرمی چیف نے قومی سلامتی کے مشیرکوبتایاکہ کشمیرمیں ملی ٹنسی کاخاتمہ کرنے کیلئے فوج اوردیگرسیکورٹی ایجنسیاں کامیابی کیساتھ اپنامشن جاری رکھے ہوئے ہیں۔جمعرات کومرکزی وزیرداخلہ راجناتھ سنگھ اوروزیرخارجہ سشماسوراج نے مختلف اپوزیشن جماعتوں کے لیڈروں کوکشمیرکی تازہ صورتحال اورہندچین سرحدی ٹکرائوسے پیداشدہ صورتحال کے حوالے سے مرکزی حکومت کی جانب سے اُٹھائے جارہے اقدامات کے بارے میں جانکاری فراہم کی ۔وزیرداخلہ راجناتھ سنگھ نے اپوزیشن لیڈران کوبتایاکہ کشمیرکی صورتحال میں بہتری کے آثارنمایاں ہونے لگے ہیں ۔انہوں نے کہاکہ یاتریوں پرہوئے حملے کی جس اندازمیں کھل کرمذمت ہوئی ہے،اُسے یہ واضح اشارہ ملتاہے کہ کشمیری اب ملی ٹنسی یاتشددکے طرفدارنہیں ہیں بلکہ وہ امن اورسکون چاہتے ہیں ۔راجناتھ سنگھ نے اپوزیشن لیڈران کوبتایاکہ کشمیر وادی میں ملی ٹنسی کاخاتمہ بہت جلدہوگاکیونکہ سیکورٹی فورسزکوجنگجوئوں کیخلاف حالیہ کچھ ماہ کے دوران بڑی اوراہم کامیابیاں حاصل ہوئی ہیں۔امرناتھ یاتراکے حوالے سے مرکزی وزیرداخلہ نے بتایاکہ یاتریوں کی سلامتی کیلئے حفاظتی انتظامات مزیدسخت کردئیے گئے ہیں ۔میڈیارپورٹس کے مطابق وزیرخارجہ سشماسوراج نے میٹنگ کے دوران اپوزیشن لیڈران کوہندچین افواج کے درمیان سکم کی سرحدپرپائی جانے والی ٹکرائو کی صورتحال کی جانکاری فراہم کرتے ہوئے بتایاکہ بھارت نے اصولی موقف اختیارکیاہے ۔انہوں نے کہاکہ بھارت کسی بھی صورت میں چین کے دبائو میں نہیں آئیگا،اوربقول سشماسوارج بیجنگ پریہ واضح کردیاگیاہے کہ سرحدوں پرکسی بھی قسم کی من مانی یاخلاف ورزی کوبھارت برداشت نہیں کرے گا۔انہوں نے اپوزیشن لیڈران کواسبات کی یقین دہانی کرائی کہ بھارت کی سا لمیت اورسلامتی کیساتھ کوئی سمجھوتہ نہیں کیاجائیگا۔اس دوران جمعرات کوآرمی چیف جنرل بپن راوت نے قومی سلامتی کے مشیراجیت کمارڈوئول کیساتھ میٹنگ کی ۔میڈیارپورٹس کے مطابق اس میٹنگ کے دوران آرمی چیف اورقومی سلامتی کے مشیرنے کشمیرکی تازہ صورتحال اوریاتریوں کی حفاظت کامعاملہ زیرغورلایا۔جنرل بپن راوت نے اجیت کمارڈوئول کوامرناتھ یاتریوں پرہوئے ہلاکت خیز حملے کے پس منظرمیں کشمیرکی تازہ سیکورٹی صورتحال ،جنگجوئیانہ سرگرمیوں ،انسدادملی ٹنسی اقدامات اوریاتریوں کی حفاظت کیلئے مختلف سیکورٹی ایجنسیوں کی جانب سے کئے گئے انتظامات کے بارے میں مکمل جانکاری فراہم کی ۔
بوٹینگو واقعہ پر وزیرداخلہ کی حزب اختلاف کوبریفنگ
