عظمیٰ نیوز سروس
سرینگر //لیفٹیننٹ گورنر منوج سنہا نے بدھ کو جموں کے لوک بھون میں کلسٹر یونیورسٹی سرینگر کی یونیورسٹی کونسل کی دوسری میٹنگ کی صدارت کی۔یونیورسٹی کونسل نے مختلف ایجنڈا آئٹمز اور تجاویز کو اصولی طور پر منظوری دی جس میں عبدالاحد آزاد چیئر کا قیام اور UGC کے رہنما خطوط کے مطابق NEP 2020 کے تحت پوسٹ گریجویٹ نصابی فریم ورک کو اپنانا شامل ہے۔لیفٹیننٹ گورنر نے کلسٹر یونیورسٹی سرینگر کو ہدایت دی کہ وہ ٹارگٹڈ اصلاحات نافذ کریں جن کا مقصد تعلیمی فضیلت اور طلبا کی فلاح و بہبود کو بڑھانا ہے۔ انہوں نے یونیورسٹی کو مزید ہدایت کی کہ وہ یونیورسٹی انتظامیہ کو جدید بنانے اور آپریشنل کارکردگی کو بڑھانے کے لیے ای-آفس سسٹم کو مکمل طور پر نافذ کرے۔لیفٹیننٹ گورنر نے یونین ٹیریٹری کے اندر تمام یونیورسٹیوں میں غیر تدریسی عہدوں پر بھرتی کے قوانین میں یکسانیت کی ضرورت پر زور دیا تاکہ شفاف اور ہموار عمل کو یقینی بنایا جا سکے۔انہوں نے کلسٹر یونیورسٹی سری نگر کو ہدایت دی کہ وہ وکست بھارت یووا کنیکٹ اور دیگر مختلف قومی یکجہتی پروگراموں کے تحت نوجوانوں کی شرکت میں اضافہ کریں۔ انہوں نے نشا مکت بھارت ابھیان کے تحت بیداری مہم کو تیز کرنے پر بھی زور دیا۔لیفٹیننٹ گورنر نے کہا، یونیورسٹیوں اور تعلیمی اداروں کو چاہیے کہ وہ معاشرے کے تئیں اپنی ذمہ داری ادا کریں اور منشیات کی لعنت کے خلاف جنگ کی قیادت کریں۔
