عظمیٰ نیوز سروس
جموں//جموں و کشمیر حکومت کے محکمہ خزانہ نے ایک سرکیولر جاری کیا ہے جس میں تمام ضلع ترقیاتی کمشنروں کو ہدایت دی گئی ہے کہ وہ حلقہ بندی ترقیاتی فنڈ (CDF) اسکیم کے تحت فنڈز کے مناسب استعمال اور انتظام کو یقینی بنائیں جو پہلے مطلع کردہ رہنما خطوط کے مطابق ہوں۔مالیاتی کمشنر (ایڈیشنل چیف سکریٹری) فینانس شیلیندر کمارکے ذریعہ جاری کردہ سرکلر میں کہا گیا ہے کہ، تمام ضلع ترقیاتی کمشنروں کی توجہ حلقہ بندی ترقیاتی فنڈ (CDF) اسکیم کو چلانے والے رہنما خطوط پر مدعو کیا جاتا ہے جو حکومتی آرڈر نمبر DF22-2020 کے تحت جاری کیا گیا ہے۔ خاص طور پر اسکیم کے تحت فنڈز کے اجراء ، جمع اور استعمال سے متعلق اس کا پیراگراف 3، جو فنڈز کی تقسیم، اجراء اور انتظام کے طریقہ کار کو بیان کرتا ہے۔سکیم کے رہنما خطوط کا پیراگراف 3.3 یہ فراہم کرتا ہے کہ سکیم کے تحت فنڈز غیر لیپس ہونے کے قابل ہوں گے۔ ہر ایک سرگرمی کے تحت کوئی بھی غیر خرچ شدہ فنڈز، اگر ہر سال 31 مارچ کو DDC/ ایگزیکیوٹنگ ایجنسیوں کے پاس دستیاب ہوں تو، اکاؤنٹ ہیڈ نمبر MH:8229 کے تحت سرکاری خزانے میں جمع کیے جائیں گے۔ DDCs ہر مالی سال کے آخر میں اس طرح کے غیر خرچ شدہ بیلنس کی تفصیلات محکمہ خزانہ کو فراہم کریں گے۔سرکلر میںمزید کہا گیا کہ سکیم کے رہنما خطوط کے پیراگراف 3.4 کے مطابق غیر خرچ شدہ بیلنس کو اگلے مالی سال میں استعمال کے لیے دستیاب رکھنے کے لیے سرکاری خزانے میں MH:8229 میں جمع کرنے کی اجازت ہے۔اس تناظر میں تمام متعلقہ افسران/ڈی ڈی اوز کو کہا گیاہے کہ ڈیپازٹ ہیڈ MH:8229 کے تحت ان بیلنس کو حلقہ بندی ترقیاتی فنڈ (CDF) اسکیم کے تحت استعمال کرنے کے لیے پہلے چارج کے طور پر اگلے مالی سال میں ترجیح دی جائے گی تاکہ ان فنڈز کو پارکنگ سے بچایا جاسکے۔سرکلر میں لکھا گیا ہے کہ تمام متعلقہ افسران CDF اسکیم کو نافذ کرتے ہوئے ان ہدایات پر سختی سے عمل درآمد کو یقینی بنائیں گے۔
