سری نگر//سینٹرل بورڈ آف سکول ایجوکیشن ( سی بی ایس ای ) اور سٹیٹ کونسل آف ایجوکیشنل ریسر چ اینڈ ٹریننگ ( ایس سی اِی آر ٹی ) جموں وکشمیر 12 نومبر کو یونین ٹیریٹری میں جماعت تیسری ، پانچویں ، آٹھویں اور دسویں کے لئے نمونے پر مبنی نیشنل اچیومنٹ سروے ( این اے ایس ) کے انعقاد کے لئے تعاون کرنے کے لئے تیار ہیں ۔سی بی ایس اِی وزارتِ تعلیم ملک بھر کے تمام 733 اَضلاع میں سروے کرے گا۔یہ سروے ایک قابلیت پر مبنی قومی سطح کے بڑے پیمانے پر تشخیص ہے جس کا مقصد طلباء کی سیکھنے کی کامیابیوں کے بارے میں معلومات فراہم کرنا ہے تاکہ ملک میں سکولی تعلیم کی تاثیر پر نظام کی سطح کی عکاسی ہو۔ڈائریکٹر ایس سی ای آر ٹی پروفیسر وینا پنڈتا نے تفصیلات دیتے ہوئے کہا کہ یہ سروے تعلیمی منصوبہ سازوں ، پالیسی سازوں اور محققین کو تعلیم کے معیار کو بہتر بنانے میں تشخیص ، تدریسی عمل اور سیکھنے کے نتائج کے باہمی انحصار کو سمجھنے میں مدد فراہم کرے گا۔اُنہوں نے کہا کہ کووڈ ۔19 وبائی اَمراض کے تناظر میں سکول کی طویل بندش نے ایک سے زیادہ طریقوں سے طلباء کی سماجی ، جذباتی اور علمی نشوو نما کے لحاظ سے ان کی تعلیم کو متاثر کیا ہے۔پروفیسر پنڈتا نے کہا این اے ایس 2021ء ہمیں ان نتائج کے بارے میں منظم طریقے سے سمجھنے میں مدد کرے گا جو طویل عرصے تک سکولوں کی بندش سے طلباء کی پڑھائیء پر پڑتے ہیں۔اُنہوں نے کہا کہ سیاق و سباق کے متغیرات کے مقابلے میں مختلف سیکھنے کے نتائج میں طلباء کی کارکردگی کو بنانے میں ہماری مدد کریں گے۔
طلاب کے سیکھنے کی کامیابیوں کاحصول کاسروے12نومبر سے
ملک و جہان کی خبروں سے رہیں اپڈیٹ
نیوز لیڑ ای میل پر پائیں
