نئی دہلی //پارلیمانی پینل کا کہنا ہے کہ اسکولوں کو دوبارہ نہ کھولنے کے خطرات بہت زیادہ سنجیدہ ہیں۔ان کے مطابق کوویڈ 19 وبائی امراض کی وجہ سے طویل بندش کے بعد اسکولوں کو دوبارہ نہ کھولنے کے خطرات "نظر انداز کرنے کے لیے بہت سنگین" ہیں۔کمیٹی نے کہا ہے کہ سکولوں کی بندش نے نہ صرف خاندانوں کے سماجی تانے بانے کو منفی انداز میں متاثر کیا ، بلکہ اس سے بچوں کے گھریلو کاموں میں بھی اضافہ ہوا ہے ’ایک سال سے سکولوں کی بندش نے طلبا ءکی فلاح و بہبود پر گہرا اثر ڈالا ، خاص طور پر ان کی ذہنی صحت پر گھر ا اثر پڑا ، اسکول جانے سے قاصر ہونے کی وجہ سے والدین اور بچوں کے درمیان تعلقات میں منفی تبدیلی آئی ہے۔"اسکولوں کی بندش کی وجہ سے کیا ہے کم عمری/بچوں کی شادی اور گھریلو کاموں میں بچوں کی شمولیت میں اضافہ ہوا ہے۔
پینل نے کہا کہ اس ساری صورتحال کو دیکھتے ہوئے سکولوں کو دوبارہ کھولنے کی ضرورت ہے ۔پینل نے کہا کہ معاملے کی سنجیدگی کو نظر انداز نہیں کیا جانا چاہیے اور اسکولوں کو کھولنے کے لیے ایک متوازن اور معقول نظریہ اختیار کیا جا سکتا ہے۔تمام طلباءاساتذہ اور اس سے وابستہ عملے کے لیے ویکسین کا عمل مکمل کیا جانا چاہئے تاکہ سکول جلد از جلد معمول کے مطابق کام کرنا شروع کر سکیں۔انہوں نے کہا کہ سکولوں میں جسمانی فاصلہ ، اساتذہ اور بچوں کے چہروں پر ماسک اور بار بار ہاتھوں کی صفائی ضروری ہے ۔ حاضری کے وقت باقاعدہ تھرمل اسکریننگ اور کسی بھی متاثرہ طالب علم ، اساتذہ یا عملے کو فوری طور پر شناخت اور الگ تھلگ کرنے کے لیےRT-PCR ٹیسٹ کروانا ، پینل کی طرف سے بنائے گئے سکولوں کو دوبارہ کھولنے کی سفارشات میں شامل ہیں”ہر سکول میں کم از کم دو آکسیجن کنسینٹر تربیت یافتہ اہلکاروں کے ساتھ ہونے چاہئیں تاکہ کسی بھی صورت حال سے نمٹا جا سکے اور باہر کی طبی امداد کی دستیابی تک ابتدائی طبی امداد فراہم کی جا سکے۔
صحت کے معائنہ کاروں اور ہیلتھ ورکرز کی طرف سے سکولوں کا بار بار اچانک معائنہ کیا جا نا چاہئے تاکہ حفظان صحت اور COVID پر سختی سے عمل کیا جا سکے۔پینل نے کہا ہے کہ سکول کھولنے کے لیے مختلف ممالک میں بہترین طریقوں پر عمل کیا جا رہا ہے ۔پینل نے یہ بھی نوٹ کیا ہے کہ وبائی امراض کی وجہ سے طویل عرصے تک سکول بند رہنے کی وجہ سے ایک سال سے زائد عرصے سے بنیادی علم کمزرور ہو رہا ہے ۔انہوں نے کہا کہ اس سے کمزرو طبقہ سے تعلق رکھنے والے بچوں کو کافی مشکلات پیش آسکتی ہیں کیونکہ انہیں ڈیجیٹل تعلیم حاصل کرنے کےلے کوئی ذرایع نہیں ہے ۔ رپورٹ میں کہا گیا ہے کہ ملک بھر میں اسکولوں کو گزشتہ سال مارچ میں ملک گیر لاک ڈاو¿ن سے پہلے بند کر دیا گیا تھا تاکہ کورونا وائرس کی دوسری لہر کے پھیلاو¿ کو روکا جا سکے۔ اگرچہ کچھ ریاستوں نے پچھلے سال اکتوبر میں جزوی طور پر اسکولوں کو دوبارہ کھولنا شروع کیا تھا ، انہیں اپریل مئی میں COVID-19 کی جارحانہ دوسری لہر کے پیش نظر اسکول بند کرنے کا حکم دینا پڑا۔
