سجاد کچلو زونل صدر و سہروردی صوبائی نائب صدر نامزد

ڈوڈہ //نیشنل کانفرنس اکائی ڈوڈہ و کشتواڑ نے سابق وزیر سجاد احمد کچلو کو خطہ چناب کا زونل صدر و سابق وزیر خالد نجیب سہروردی کو صوبائی نائب صدر نامزد کرنے پر انہیں مبارکباد پیش کرتے ہوئے پارٹی قیادت کا شکریہ ادا کیا ہے۔ اس دوران انہوں نے برج موہن شرما کو صوبائی نائب صدر ، اجے سدھوترا مرکزی سیکرٹری، چودھری لیاقت اعلی مرکزی سیکرٹری، سریندر سنگھ صوبائی صدر ، عبدالغنی ملک زونل صدر ادھمپور ریاسی اور جاوید رانا کو زونل صدر پیر پنچال نامزد کرنے پر بھی ہائی کمان کے فیصلے کا خیر مقدم کرتے ہوئے کہا کہ اس صوبہ میں نینشل کانفرنس مزید مضبوط ہو گی۔اپنے اپنے الگ الگ تہنیتی پیغامات میں ضلع صدر کشتواڑ تنویر احمد کچلو، ضلع سیکرٹری ڈوڈہ ظفراللہ راتھر،سابق ایم ایل سی و ضلع نائب صدر محمد اقبال بٹ، ضلع نائب صدر محمد اشرف کیلو، شاداب سہروردی، شکیل احمد کمل، جنرل سیکرٹری ایس ٹی سیل چودھری سلام دین،امتیاز احمد زرگر، اشوک بھگت، بلاک صدر ٹھاٹھری شمیم احمد بٹ، عمر دین نائک، بی ڈی سی چیئرمین چودھری محمد حنیف، محمد حنیف ملک، ولی محمد گیری ریاض احمد زرگر،چوہدری نور محمد کالو، رفیع چودھری و پریتم سنگھ، سروپ چند، کیپٹن رامیش، سجاد احمد شیخ نے خالد نجیب سہروردی و سجاد احمد کچلو کو مبارکباد پیش کرتے ہوئے کہا کہ ان دونوں رہنماؤں کی قیادت میں پارٹی کو زمینی سطح پر مزید تقویت ملے گی۔