عظمیٰ نیوز سروس
سرینگر// کشمیر میں جمعہ کو شدید گرمی کی لہر جاری رہی اور اس دوران سرینگر اور کپواڑہ میں زیادہ سے زیادہ درجہ حرارت 35.0 ڈگری سینٹی گریڈ ریکارڈ کیا گیا، جب کہ جموں و کشمیر کے کئی مقامات معمول سے زیادہ گرم رہے۔موسمیاتی مرکز سرینگر کی طرف سے جاری کردہ موسمی پیرامیٹرز کے مطابق، سرینگر میں زیادہ سے زیادہ درجہ حرارت 35.0 ڈگری سینٹی گریڈ ریکارڈ کیا گیا، جو معمول سے 4.9 ڈگری زیادہ ہے، جب کہ کم از کم درجہ حرارت 22.0 ڈگری سینٹی گریڈ درج کیا گیا، جو موسمی اوسط سے 3.3 ڈگری سینٹی گریڈ زیادہ ہے۔قاضی گنڈ میں 33.2 ریکارڈ کیا گیا، جو کہ معمول سے 5.2 زیادہ ہے، جبکہ کوکرناگ میں 32.9 درج کیا گیا، جو کہ معمول سے زیادہ 5.3 ہے۔ کپواڑہ میں بھی 35.0 ڈگری سینٹی گریڈ کو چھو گیا،جو 4.1 ڈگری سینٹی گریڈ معمول سے زیادہ ہے۔سیاحتی مقامات پر بھی معمول سے زیادہ گرم حالات دیکھے گئے، پہلگام میں 27.4 اور گلمرگ میں 25.6 ریکارڈ کیا گیا، دونوں ہی اپنے متعلقہ معمول کے درجہ حرارت سے زیادہ گرم رہے۔جموں خطے میں جموں شہر میں 35.8 ڈگری سینٹی گریڈ درجہ حرارت ریکارڈ کیا گیا جبکہ بانہال میں 30.8 ، بٹوٹ میں 27.4 ، کٹرہ میں 31.8 اور بھدرواہ میں 31.5 ڈگری سینٹی گریڈ درجہ حرارت ریکارڈ کیا گیا۔آئی ایم ڈی کے اعداد و شمار سے پتہ چلتا ہے کہ اس دوران جموں اور کشمیر کے کسی بھی بڑے موسمی سٹیشن پر کوئی بارش ریکارڈ نہیں کی گئی، جس نے گرم اور مرطوب موسمی حالات میں مزید اضافہ کیا۔محکمہ موسمیات نے پہلے ہی اگلے دو دنوں کے دوران عام طور پر گرم اور مرطوب موسم کی پیش گوئی کی ہے، 19 جولائی کے بعد بارش کی سرگرمیاں بڑھنے کا امکان ہے۔
سرینگر میں16 جولائی کو 34.2 ڈگری سیلسیس ریکارڈ کیا گیا، جو مہینے کا دوسرا سب سے زیادہ دن کا درجہ حرارت ہے، کیونکہ ایک ہفتے کے نسبتاً ٹھنڈے موسم کے بعد کشمیر میں گرم اور مرطوب حالات واپس آگئے۔ شہر میں اس ماہ کا سب سے زیادہ درجہ حرارت 10 جولائی کو 34.5 ڈگری سیلسیس ریکارڈ کیا گیا۔جموں و کشمیر کے مختلف حصوں میں وقفے وقفے سے ہونے والی بارش اور مختصر شدید بارش کے بعد 11 جولائی کے بعد درجہ حرارت میں تیزی سے کمی واقع ہوئی۔ 12 جولائی کو سرینگر کا زیادہ سے زیادہ درجہ حرارت 22.7 ڈگری سیلسیس تک گر گیا، جو معمول سے کافی کم تھا۔ اس کے بعد سے پارہ مسلسل بڑھ رہا ہے، منگل کو 30 ڈگری سیلسیس سے بدھ کو 32 ڈگری سیلسیس اور جمعرات کو 34.2 ڈگری سیلسیس پر چڑھ گیا۔جمعرات کوپورے کشمیر میں قاضی گنڈ میں 32.5 ڈگری سیلسیس، کوکرناگ میں 32.4 ڈگری سیلسیس، کپواڑہ میں 33.2 ڈگری سیلسیس، پہلگام میں 28.9 ڈگری سیلسیس اور گلمرگ میں 25.4 ڈگری سیلسیس درج کیا گیا۔مانسون کے اثر کی وجہ سے جموں ڈویژن میں درجہ حرارت معمول کے قریب رہا۔ جموں میں 36.4 ڈگری سیلسیس، کٹرہ میں 33.8 ڈگری سیلسیس، بانہال میں 30.5 ڈگری سیلسیس، بٹوٹ میں 28.2 ڈگری سیلسیس اور بھدرواہ میں 31.6 ڈگری سیلسیس درج کیا گیا۔محکمہ موسمیات کے ڈائریکٹر مختار احمد نے کہا کہ کشمیر میں گرم موسم 18 جولائی تک برقرار رہے گا۔ انہوں نے کہا کہ 19 جولائی سے بارش کا نیا سلسلہ متوقع ہے۔احمد نے کہا، “19 جولائی کو بہت سی جگہوں پر ہلکی سے درمیانی بارش اور گرج چمک کے ساتھ بارش کا امکان ہے، خاص طور پر جموں ڈویژن میں الگ تھلگ مقامات پر مختصر شدید بارشوں کا امکان ہے۔”محکمہ موسمیات کو توقع ہے کہ جموں و کشمیر میں 20 اور 23 جولائی کے درمیان گیلے اسپیل میں شدت آئے گی۔احمد نے کہا، “21 اور 22 جولائی کو سرگرمی عروج پرر ہے گی۔ کشمیر اور جموں دونوں ڈویژنوں کے چند اضلاع میں موسلادھار بارش اور ہلکی تیز بارش ہو سکتی ہے۔”محکمہ نے 20 سے 22 جولائی کے دوران وادی چناب، پیر پنجال خطہ اور کشمیر کے پہاڑی علاقوں میں سیلاب، لینڈ سلائیڈنگ اور مٹی کے تودے گرنے سے خبردار کیا۔
