بابر اعظم ٹی ٹونٹی سیریز سے باہر | انگوٹھے میں فریکچر ہونے کی وجہ سے ٹیسٹ سیریز میںبھی کھیلنا مشکوک نظر آرہا ہے

کوئنسٹاؤن/ پاکستان کے کپتان اور اسٹار بلے باز بابر اعظم 18 دسمبر کو دائیں انگوٹھے میں فریکچر کی وجہ سے دو ٹیسٹ میچوں کی سیریز میں نیوزی لینڈ کے خلاف شروع ہونے والی تین میچوں کی ٹی ٹونٹی سیریز سے باہر ہوگئے ہیں اور ان کا دو ٹسٹوں کی سیریز میں کھیلنا بھی مشکوک نظر آرہا ہے ۔پاکستان کرکٹ بورڈ (پی سی بی) نے اتوار کے روز ایک ریلیز میں کہا ہے کہ بابر کو تھرو ٹاون سیشن کے دوران دائیں انگوٹھے کی انجری ہوئی تھی جس کے بعد اسے کوئنسٹاؤن کے ایک اسپتال لے جایا گیا اور ایکسرے کیا گیا جس میں اس فریکچر کی تصدیق ہوگئی۔اس چوٹ کی وجہ سے بابر کم سے کم 12 دنوں تک نیٹ پریکٹس میں حصہ نہیں لے سکیں گے ۔ اس مدت کے دوران ڈاکٹر اس کی چوٹ کی نگرانی کریں گے اور تب ہی ٹیسٹ سیریز میں ان کی شرکت سے متعلق کوئی فیصلہ ہوگا۔ پہلا ٹیسٹ 26 دسمبر سے ماؤنٹ مونگانوئی میں ہونا ہے ۔پاکستان کے ٹی ٹونٹی کپتان شاداب خان بابر کی عدم موجودگی میں کپتانی سنبھال سکتے ہیں۔ تاہم خود لیگ اسپنر شاداب کو خود ہلکی انجری ہے جس کی وجہ سے وہ اتوار کے روز نیٹ سیشن میں صرف بیٹنگ کی۔شاداب اسی چوٹ کی وجہ سے نومبر میں زمبابوے کے خلاف نہیں کھیلے تھے ۔ پی سی بی نے کہا کہ میچ قریب آتے ہی شاداب کا کھیلنے کا فیصلہ کیا جائے گا۔عالمی نمبر دو ٹی 20 بیٹسمین بابر کا ٹی 20 سیریز سے باہر ہونا پاکستان کے لئے بڑا جھٹکا ہے ۔