عظمیٰ نیوز سروس
یمیگنور// ضلع کرنول میں جمعرات کی صبح ایک خوفناک سڑک حادثہ پیش آیا۔ منترالیم منڈل کے چلکلڈونا میں ایک بولیرو گاڑی اور ایک ریڈی مکس لاری میں تصادم ہوا۔ آٹھ افراد ہلاک اور بارہ زخمی ہو گئے۔ زخمیوں کو فوری طور پر یمیگنور کے ایک اسپتال منتقل کیا گیا۔ پولیس نے مقدمہ درج کر لیا ہے اور واقعہ کی تحقیقات کر رہی ہے۔یہ حادثہ اس وقت پیش آیا جب زائرین کو لے جانے والی بولیرو گاڑی ایک ریڈی مکس لاری سے ٹکرا گئی، جس کے نتیجے میں کئی مسافر ہلاک ہوگئے۔ یہ یاتری، جو کرناٹک کے چکمگلور سے تعلق رکھتے تھے، منترالیم میں سری راگھویندر سوامی سے ملنے جا رہے تھے۔ حکام کے مطابق حادثے میں کل آٹھ افراد ہلاک ہوئے۔ پانچ متاثرین موقع پر ہی دم توڑ گئے، جب کہ تین دیگر قریبی اسپتال میں علاج کے دوران زخموں کی تاب نہ لاتے ہوئے چل بسے۔حادثے میں 10 سے 12 افراد زخمی ہو گئے۔ حکام نے بتایا کہ زخمیوں کو فوری طور پر ایمیگنور اسپتال منتقل کیا گیا، جہاں ان کا علاج جاری ہے۔ تصادم کی اطلاع ملتے ہی پولیس کی ٹیمیں جائے وقوعہ پر پہنچ گئیں اور امدادی کارروائیاں شروع کر دیں۔ جائے وقوعہ سے گاڑیوں کے ملبے کو ہٹانے اور زخمیوں کو نکالنے کی کوشش کی گئی۔ پولیس نے بتایا کہ حادثے کے وقت بولیرو گاڑی میں 23 افراد موجود تھے۔ اس واقعے کے حوالے سے مزید تفصیلات کا انتظار ہے۔س واقعے میں 8 افراد اپنی جان سے ہاتھ دھو بیٹھے، جب کہ 12 افراد زخمی ہوئے۔ زخمیوں کو یمیگنور کے اسپتال منتقل کر دیا گیا ہے۔ پانچ افراد کی موقع پر ہی موت ہو گئی، جب کہ تین دیگر اسپتال میں علاج کے دوران چل بسے۔ ہلاک ہونے والوں میں پانچ خواتین اور ایک کمسن بچی شامل ہے۔
