دہلی ہائی کورٹ نے انجینئر رشید کو حراستی پیرول پر پارلیمنٹ میں حاضری دینے پر این آئی اے کا موقف طلب کیا

عظمیٰ ویب ڈیسک
نئی دہلی/جیل میں بند رکن پارلیمان انجینئر رشید کوجو کہ ملی ٹینٹ فنڈنگ کے معاملے میں مقدمے کا سامنا کر رہے ہیں ۔دہلی ہائی کورٹ نے این آئی اے کا موقف مانگا ہے کہ انجینئر رشید پارلیمنٹ سیشن میں شرکت کر سکتا ہے۔
عدالت نے قومی تحقیقاتی ایجنسی (این آئی اے) کے وکیل کو جمعہ تک کا وقت دیا گیا ہے کہ وہ اس معاملے پر وضاحت کریں کریں۔این آئی اے کے وکیل نے کہا کہ معاملہ اتنا آسان نہیں ہے کیونکہ سیکورٹی کا بھی مسئلہ تھا۔
سماعت کے دوران ہائی کورٹ انتظامیہ کی جانب سے پیش ہونے والے وکیل نے کہا کہ سپریم کورٹ میں وضاحت کے لیے درخواست دائر کر دی گئی ہے اور اس کا ذکر جمعہ کو فہرست سازی کے لیے کیا جائے گا۔
انہوں نے مزید کہا کہ سپریم کورٹ کی ویب سائٹ کے مطابق، یہ معاملہ 10 یا 11 فروری کو سماعت کے لیے آنے کا امکان ہے۔
قبل ازیں، این آئی اے نے پارلیمنٹ کے جاری اجلاس میں شرکت کے لیے عبوری ضمانت طلب کرنے والی درخواست کی مخالفت کی تھی اور کہا تھا کہ انہیں پارلیمنٹیرین کی حیثیت سے کوئی ’’حق‘‘نہیں ہے۔
اپنی درخواست میں انجینئر رشید نے ہائی کورٹ اپیل کی کہ وہ یا تو این آئی اے عدالت کے ذریعہ ان کی زیر التواء ضمانت کی عرضی کو جلد نمٹانے کی ہدایت دے یا خود اس معاملے کا فیصلہ کرے۔
گزشتہ سال 24 دسمبر کو ایڈیشنل سیشن جج چندر جیت سنگھ، جنہوں نے ڈسٹرکٹ جج سے کیس کو قانون سازوں پر مقدمہ چلانے کے لیے نامزد عدالت میں منتقل کرنے کی درخواست کی تھی، نے این آئی اے کیس میں زیر التواء ضمانت کی درخواست پر حکم دینے کی درخواست کو مسترد کر دیا۔
ڈسٹرکٹ جج کی طرف سے معاملہ انہیں واپس بھیجنے کے بعد، ٹرائل جج نے اپنے فیصلے میں کہا کہ وہ صرف متفرق درخواست کا فیصلہ کر سکتے ہیں، درخواست ضمانت پر نہیں۔