اشتیاق ملک
ڈوڈہ //ڈوڈہ ضلع کی تحصیل چلی پنگل کے گاؤں جنگ نالہ جکیاس میں اسوقت کہرام مچ گیا جب ایک 20 سالہ لڑکی نے اپنے چاچا زاد بھائی کی موت کی خبر سن کر اپنے گھر سے 30 کلومیٹر دور سفر کرکے دریائے چناب میں چھلانگ لگا کر اپنی جان کا خاتمہ کیا۔
اطلاعات کے مطابق گذشتہ روز اتراکھنڈ کے کیدرناتھ میں نتن کمار 20ولد رویل سنگھ ساکنہ جنگ نالہ ایک پسی کی زد میں آکر جاں بحق ہوا اور اس کی لاش ابھی راستے میں ہی ہے کہ گھر میں ماتم چھا گیا۔یہ خبر سنتے ہی دوران مہلک نوجوان کی چاچا زاد بہن پائل 20ولد ہر بنس لال ساکنہ جکیاس غم سے نڈھال ہوئی اور آج صبح گھر سے ہو کر 30 کلومیٹر دور سفر کرکے ٹھاٹھری کے مقام پر پل سے دریائے چناب میں چھلانگ لگا دی اور اپنی زندگی کا خاتمہ کیا۔
یہ خبر پھیلتے ہی جکیاس جنگ نالہ میں کہرام مچ گیا. ادھر پولیس و سیول انتظامیہ نے مقامی لوگوں کی مدد سے تلاش کاروائی شروع کی ہے تاہم ابھی تک کوئی سراغ نہیں ملا ہے. پولیس نے معاملہ درج کر کے مزید تحقیقات شروع کی ہے۔
چاچا زاد بھائی کے موت کی خبر سن کر 20سالہ لڑکی نے دریائے چناب میں چھلانگ لگا کر اپنی جان کا خاتمہ کیا
