یواین آئی
ڈلاس/فیفا ورلڈ کپ 2026 کے ناک آؤٹ مرحلے میں ناروے نے آئیوری کوسٹ کو 1-2 سے شکست دے کر پری کوارٹر فائنل کے لیے کوالیفائی کر لیا، جہاں ٹیم کی کامیابی میں ایرلنگ ہالینڈ نے فیصلہ کن کردار ادا کیا۔ ڈلاس میں کھیلے گئے سنسنی خیز مقابلے میں ناروے نے ابتدا ہی سے جارحانہ کھیل پیش کیا اور 39ویں منٹ میں انتونیو نوسا کے گول کی بدولت برتری حاصل کر لی۔پہلا ہاف ناروے کے حق میں 0-1 سے ختم ہوا، تاہم دوسرے ہاف میں آئیوری کوسٹ نے شاندار واپسی کی کوشش کی۔74ویں منٹ میں متبادل کھلاڑی اماد دیالو نے گول کر کے مقابلہ 1-1 سے برابر کر دیا اور میچ میں نئی جان ڈال دی۔فیصلہ کن لمحہ 86ویں منٹ میں آیا جب ایرلنگ ہالینڈ نے شاندار گول اسکور کر کے ناروے کو دوبارہ برتری دلا دی، جو آخر تک برقرار رہی۔یہ ٹورنامنٹ میں ایرلنگ ہالینڈ کا پانچواں گول تھا، جس کے ساتھ انہوں نے گولڈن بوٹ کی دوڑ میں اپنی پوزیشن مزید مستحکم کر لی۔اس کامیابی کے ساتھ ناروے نے پری کوارٹر فائنل میں جگہ بنا لی اور ٹائٹل کی دوڑ میں اپنی پیش قدمی جاری رکھی۔
