عظمیٰ نیوز سروس
سرینگر// ڈائریکٹوریٹ آف فائر اینڈ ایمرجنسی سروسز جموں و کشمیر نے پولیس سٹیشن اے سی بی سنٹرل جموں میں درج ایف آئی آر نمبر 01/2025 کے سلسلے میں انسداد بدعنوانی بیورو (اے سی بی)کی طرف سے گرفتاری کے بعد اپنے دو اہلکاروں کو معطل کر دیا ہے۔ڈائریکٹر، فائر اینڈ ایمرجنسی سروسز جموں و کشمیر آلوک کمارکے جاری کردہ ایک سرکاری حکم کے مطابق، محکمے نے ان دونوں اہلکاروں کی گرفتاری کے حوالے سے انسداد بدعنوانی بیورو کی طرف سے ایک باضابطہ اطلاع موصول ہونے کے بعد کارروائی کی۔معطل کیے گئے اہلکاروں کی شناخت بلال احمد شاہ، ڈویژنل فائر آفیسر (ڈی ایف او)کے طور پر کی گئی ہے، جو اس وقت رینج آفس سری نگر میں تعینات ہیں اور کمانڈ آفس گاندربل سے منسلک ہیں، اور یونس احمد گنائی، فائر مین (2195)، جو فائر اینڈ ایمرجنسی سروسز ہیڈ کوارٹر، سری نگر میں تعینات تھا، اور اس وقت میڈیکل یونٹ، سری نگر کوریج پولیٹیکل میں تعینات ہیں۔حکم نامے میں کہا گیا ہے کہ جموں و کشمیر سول سروسز (درجہ بندی، کنٹرول اور اپیل) رولز، 1956 کے رول 31(2) کے مطابق، دونوں اہلکاروں کو 26 جون 2026 سے معطل کیا گیا ہے، ان کی نظر بندی کی تاریخ، مزید احکامات تک زیر التوا ہے۔معطلی کی مدت کے دوران، دونوں اہلکار متعلقہ سروس رولز کے تحت قابل قبول گزارہ الائونس حاصل کرنے کے حقدار ہوں گے۔معطلی کا حکم پرنسپل سیکرٹری، ہوم ڈیپارٹمنٹ، اینٹی کرپشن بیورو، محکمہ فائر اینڈ ایمرجنسی سروسز کے سینئر افسران اور دیگر متعلقہ حکام کو معلومات اور ضروری کارروائی کے لیے بھیج دیا گیا ہے۔
