عظمیٰ نیوز سروس
سرینگر//وزیر اعلیٰ عمر عبداللہ نے گاندر بل میں 9.60 کروڑ روپے کی تخمینہ لاگت سے ملٹی لیول کار پارکنگ کی سہولت کی تعمیر کیلئے انتظامی منظوری دی ہے ۔اس پروجیکٹ کا مقصد شہر میں بڑھتی ہوئی ٹریفک کی بھیڑ کو دور کرنا اور شہری انفراسٹرکچر کو بڑھانا ہے ۔ یہ منظوری کیپیکس بجٹ 2026-27 کے تحت ڈائریکٹر اربن لوکل باڈیز کشمیر کے حق میں دی گئی ہے ۔ ،معیار ، کارکردگی اور بروقت تکمیل کو یقینی بنانے کیلئے اس منصوبے کو منظور شدہ تکنیکی وضاحتوں اور کوڈل طریقہ کار کے مطابق عمل میں لایا جائے گا ۔ مجوزہ سہولت سے گاندر بل کے مصروف بازار کے علاقوں کو نمایاں طور پر کم کرنے ، پارکنگ کی منظم جگہ فراہم کرنے اور ٹریفک کے مجموعی انتظام کو بہتر بنانے کی توقع ہے ۔ اس سے علاقے میں بہتر شہری منصوبہ بندی اور عوامی سہولت میں بھی مدد ملے گی ۔
