بی ڈی او سمیت5افرادکے خلاف چارج شیٹ دائر
سرینگر//اے سی بی نے پہلگام سرکل کے اس وقت کے5 سٹور کیپروں کے ذریعہ اناج کے خرد و برد معاملے میں سزا سنائی جبکہ ایک اور معاملے میں سابق بی ڈی او کے خلاف چارج شیٹ پیش کی گئی۔انسداد بدعنوانی عدالت اننت ناگ کی عدالت نے عبدالخالق شاہ ساکن عشمقام اس وقت کے سٹور کیپر فوڈ سپلائی سیل سنٹر پہلگام اور لاری پورہ ،غ نبی میرساکن عشمقام اس وقت کے سٹور کیپر فوڈ سپلائیز سیل سنٹر آرو، محمد شفیع راتھرساکن او دیوارو پہلگام اس وقت کے اسٹور کیپر،غلام حسن حجام،اس وقت کے سٹور کیپر فوڈ سپلائیز سیل سینٹر کاتسو اور مظفر احمد بیچوساکن ملک ناگ اننت ناگ اس وقت کے سٹور کیپر فوڈ سپلائیز سیل سنٹر لاری پورہ کواناج کے غلط استعمال کے معاملے میں سزا سنائی۔
خصوصی جج انسداد بدعنوانی عدالت اننت ناگ مسرت روحی نے مذکورہ بالا ملزمان کو ایف آئی آر نمبر 09/1990 U/S 5(2) J&K PC کے تحت درج مقدمے میں مجرم قرار دیا۔ملزمین، جو اس وقت فوڈ اینڈ سپلائی ڈپارٹمنٹ کشمیر پہلگام سرکل میں بطور سٹور کیپر خدمات انجام دے رہے تھے، جموں و کشمیر P.C کی دفعہ U/S 5(2) کے تحت قصوروار پائے گئے۔ مکمل چھان بین کے بعد ستمبر 2003 کو چارج شیٹ دائر کی گئی، اور مقدمہ عدالتی فیصلہ کے لیے آگے بڑھا۔ 20 اپریل 2026 کوعدالت نے پیش کیے گئے شواہد کی تعریف کرنے کے بعد فیصلہ سنایا اور پانچوں ملزمان کو سیکشن 5(2) کے تحت سزا سنائی۔ایک اور معاملے میں اے سی بی نے بی ڈی او کپوارہ اور چار دیگر کے خلاف چارج شیٹ پیش کی۔یہ کیس 19.07.2021 کو اے سی بی شکایتی پورٹل کے ذریعے موصول ہونے والی ایک شکایت سے شروع ہوا، جس میں سکیموں کے تحت ترقیاتی کاموں کو انجام دینے کے لیے بلاک کپواڑہ کے عہدیداروں کی طرف سے فنڈس کے غبن کا الزام لگایا گیا تھا۔ے سی بی کی طرف سے کی گئی تحقیقات میں انکشاف ہوا کہ ملزم سرکاری ملازمین، یعنی عبدالمجید گانی (اس وقت کے بی ڈی او کپواڑہ)، بشیر احمد میر (اس وقت جونیئر اسسٹنٹ) اور سجاد احمد ڈار (اس وقت کے ایم آئی ایس او/جی آر ایس) نے استفادہ کنندگان ذاکر حسین پیر اور گوہر یعقوب خان کے ساتھ مل کر مجرمانہ طور پر سرکاری فنڈز میں غبن کیا۔تحقیقات کے دوران، یہ بھی سامنے آیا کہ تحقیقات کے تحت کاموں سے متعلق سرکاری ریکارڈ کو جان بوجھ کر تباہ یا روک دیا گیا، اور ڈیجیٹل دستخطی سرٹیفیکیٹس (DSCs) سمیت اہم الیکٹرانک شواہد پیش نہیں کیے گئے، جس سے اس جرم کی اسکریننگ کی کوشش کی نشاندہی ہوتی ہے۔ملزمان نے اپنے سرکاری عہدوں کا غلط استعمال کرتے ہوئے سرکاری خزانے کو 4,86,170روپے کا نقصان پہنچایا اور اسی طرح اپنے اور اپنے ساتھیوں کو غیر قانونی فائدہ پہنچایا۔ تحقیقات کو حتمی شکل دینے پر، مقدمہ FIR نمبر 11/2021 میں چارج شیٹ کو تین ملزم سرکاری ملازمین اور دو نجی فائدہ اٹھانے والوں کے خلاف عدالتی فیصلہ کے لیے عدالت میں پیش کیا گیا ہے۔
