عظمیٰ نیوز سروس
سرینگر//نسان موٹرانڈیاپرائیویٹ لمیٹڈنے بدھ کو آل نیو نسان گریوائٹ کو 5.65 لاکھ روپے کی پرکشش تعارفی قیمت پر لانچ کرنے کا اعلان کیا۔ یہ ایک جرات مندانہ اور کھیل بدل دینے والی سات سیٹر ایم پی وی ہے جو بھارت میں نسان کے سفر کے ایک نئے باب کا آغاز کرتی ہے۔انڈیا سے متاثر، انڈیا میں تیار، انڈیا کے لیے تیار کے تصور پر مبنی گریوائٹ نسان موٹر انڈیا کی تجدید شدہ پروڈکٹ آفینسو کے تحت متعارف ہونے والی پہلی گاڑی ہے، جو ملک میں کمپنی کے مضبوط عزم اور موجودگی کو اجاگر کرتی ہے۔گریوائٹ کا نام 1.4 ارب ہندوستانیوں اور ملک کی متنوع تہذیب، 19 ہزار سے زائد بولیوں اور روایات سے متاثر ہو کر رکھا گیا ہے۔ یہ گاڑی جدید ہندوستانی خاندانوں کی بدلتی ہوئی ضروریات کو مدنظر رکھتے ہوئے تیار کی گئی ہے۔ اس میں کشادہ جگہ، ورسٹیلٹی، آرام اور روزمرہ استعمال کی عملی خصوصیات کو مضبوط روڈ پریزنس کے ساتھ یکجا کیا گیا ہے۔تھیری سباگ، ڈویژنل نائب صدر و صدر، مشرقِ وسطی، کے ایس اے، سی آئی ایس اور بھارت نسان و انفینیٹی نے کہا کہ بھارت نسان کے عالمی عزائم کا مرکزی ستون ہے۔ گزشتہ ایک برس کے دوران آپریشنز کو مضبوط بنانے، ڈیلر نیٹ ورک کی توسیع اور نئی مصنوعات کے آغاز نے اس مارکیٹ کے لیے ہمارے طویل مدتی عزم کو واضح کیا ہے۔
