عظمیٰ نیوز سروس
سرینگر// ڈویژنل کمشنر کشمیر انشل گرگ نے محکمہ دستکاری اور ہینڈ لوم کا ایک میٹنگ میںجائزہ لیا۔محکمہ دستکاری اور ہینڈ لوم کے ڈائریکٹر نے سیکٹر کو فروغ دینے کیلئے تصور کیے گئے منصوبوں اور حکمت عملیوں کا جائزہ پیش کیا، جس میں دہلی ہاٹ کی طرز پر کشمیر ہاٹ کو فعال کرنا، سیکرٹریٹ اور PCRکے قریب DHHKاراضی کی باڑ لگانا، بٹہ مالو میں سرینگر اسمارٹ سٹی پروجیکٹ کے تحت کرافٹ گیلری، PM Unity (Extree)اور کشمیر کے کرافٹ ٹورازم ولیجز اسکیم اور ٹیولپ اور کرسنتھیمم فیسٹیول کے ساتھ دستکاری کی تیاری کی۔میٹنگ میں مقامی دستکاریوں اور کاریگروں کو فروغ دینے کے ایجنڈے کے نکات کے بارے میں تفصیلی بحث کی گئی ۔انہوں نے کمشنر ایس ایم سی سے جی آئی ٹیگ شدہ مصنوعات کی تشہیر اور نمائش کے لیے سوق مارکیٹ بٹہ مالو میں ہائی اینڈ کرافٹ انٹرپرینیورز کیلئے کچھ دکانیں مختص کرنے کو بھی کہا۔ میٹنگ میں دہلی ہاٹ کے طرز پر کشمیر ہاٹ کی ترقی اور آپریشنلائزیشن کے تصوراتی منصوبے پر بھی تبادلہ خیال کیا گیا جس کا مقصد اسے ایک متحرک ثقافتی اور تجارتی میں تبدیل کرنا ہے۔اس موقع پر بات کرتے ہوئے ڈویژنل کمشنرنے سکولوں، کالجوں اور دیگر اداروں میں منعقد ہونے والے ‘اپنے کاریگروں کو جانیں’ایونٹس کے لیے ایک جامع منصوبہ تیار کرنے پر زور دیا۔ اس نے سیاحتی مقامات، ثقافتی ورثے کے مقامات، یاترا اسٹیشنوں اور موسم سرما کے کھیلوں کے آس پاس دیگر متحرک مقامات پر سرگرمیاں منعقد کرنے کے لیے محکمہ سیاحت کے ساتھ سرگرمیوں کے کیلنڈر کے انضمام پر بھی زور دیا۔انہوں نے سیاحوں کو سری نگر میں کرافٹ کلسٹروں کا دورہ کرنے کے لیے ٹور گائیڈز کی تربیت دینے پر زور دیا اور ساتھ ہی ہوٹل والوں اور ٹور آپریٹرز کو وزٹ بڑھانے میں تعاون کرنے کا مشورہ دیا۔
