عظمیٰ نیوز سروس
سرینگر//ڈائریکٹر شیپ ہسبنڈری ڈپارٹمنٹ کشمیر ڈاکٹر رفیق احمد شاہ نے تمام ڈرائنگ اینڈ ڈسبرسنگ افسروں (DDOs)کی میٹنگ میں مختلف محکمانہ اسکیموں کے تحت ہونے والے اخراجات کا جائزہ لیا ۔میٹنگ میں ہر سکیم کی مالیاتی پیش رفت کا جائزہ لینے اور محکمہ کے مختلف یونٹس کو جاری کیے گئے فنڈز کے استعمال کا جائزہ لینے پر توجہ مرکوز کی گئی۔ ڈاکٹر شاہ نے اب تک کیے گئے اخراجات کا جائزہ لیا اور محکمانہ پروگراموں کے موثر نفاذ کے لیے مناسب مالیاتی منصوبہ بندی کی اہمیت کو اجاگر کیا۔انہوں نے اس بات پر زور دیا کہ جاری ہونے والے تمام فنڈز کو 15دنوں کے اندر مثبت طور پر استعمال کیا جانا چاہئے۔ انہوں نے ترقیاتی اہداف کے حصول اور جاری اقدامات پر آسانی سے عملدرآمد کو یقینی بنانے کیلئے بروقت خرچ کرنے کی ضرورت پر زور دیا۔ڈائریکٹر نے تمام ڈی ڈی اوز کو کسی بھی زیر التوا عمل کو تیز کرنے، مالی رہنما خطوط پر سختی سے عمل کرنے اور اخراجات کے گوشوارے فوری جمع کرانے کو یقینی بنانے کی ہدایت کی۔ انہوں نے مزید شفافیت، احتساب اور تمام محکمانہ سرگرمیوں کی کڑی نگرانی کی ضرورت پر زور دیا۔انہوں نے کشمیر میں بھیڑ پالنے کے شعبے کو مضبوط کرنے کے لیے تمام افسران سے بہتر تال میل اور لگن پر زور دیا۔
