عظمیٰ ویب ڈیسک
نئی دہلی/سعودی عرب کے جدہ میں واقع ہندوستانی قونصل خانے نے مدینہ کے قریب اتوار کی دیر رات عمرہ زائرین کے المناک بس حادثے کے پیش نظر 24 گھنٹے کنٹرول روم قائم کیا ہے اور ہیلپ لائن نمبر جاری کیے ہیں۔مرکزی وزیر برائے اقلیتی امور کِرن رجیجو نے پیر کے روز سوگوار خاندانوں سے گہری تعزیت کا اظہار کرتے ہوئے کہا کہ حکومت قونصلیٹ کے افسران کے رابطے میں ہے، جو مزید معلومات اکٹھی کر رہے ہیں اور ہر ممکن مدد فراہم کر رہے ہیں۔مرکزی اقلیتی امور کی وزارت کے مطابق جدہ میں قائم کی گئی ہیلپ لائن پر درج ذیل نمبروں پر رابطہ کیا جا سکتا ہے: 8002440003 (ٹول فری)، 00966122614093، 00966126614276 اور 00966556122301 (واٹس ایپ)۔
I’m shocked and deeply saddened by the tragic bus accident on the Medina–Mecca highway in Saudi Arabia that claimed the lives of Indian pilgrims.
We are in touch with our Embassy officials who are gathering more details & extending all possible assistance.
My heartfelt…
— Kiren Rijiju (@KirenRijiju) November 17, 2025
رجیجو نے سوشل میڈیا پوسٹ میں کہا کہ ’’میں سعودی عرب میں مدینہ مکہ ہائی وے پر پیش آنے والے اس افسوسناک بس حادثے سے دُکھی اور بے حد رنجیدہ ہوں، جس میں ہندوستانی زائرین جاں بحق ہوئے۔ ہم اپنے سفارت خانے کے افسران کے مسلسل رابطے میں ہیں جو معلومات حاصل کر رہے ہیں اور ہر طرح کی مدد فراہم کر رہے ہیں۔ ریاض میں ہندوستانی سفارت خانہ اور جدہ کا قونصل خانہ، سعودی حج و عمرہ وزارت اور دیگر مقامی حکام کے ساتھ مسلسل رابطے میں ہیں۔ قونصل خانہ کے ملازمین اور ہندوستانی کمیونٹی کے رضاکاروں کی ایک ٹیم مختلف اسپتالوں اور دیگر مقامات پر موجود ہے۔‘‘انہوں نے مزید کہا کہ ’’ریاض اور جدہ کے سفارتی دفاتر پوری طرح مدد فراہم کر رہے ہیں۔ افسران متعلقہ خاندانوں سے رابطہ قائم کرنے کے لیے تلنگانہ کے حکام سے بھی رابطے میں ہیں۔‘‘
