کشمیر میں ٹھٹھرتی سردیوں کا زور جاری، سری نگر میں ایک اور سرد ترین رات ریکارڈ

عظمیٰ ویب ڈیسک
سری نگر/وادی کشمیر میں شبانہ درجہ حرارت مسلسل نقطہ انجماد سے نیچے درج ہونے کے باعث ٹھٹھرتی سردیوں کا زور جاری ہے جس نے لوگوں کو گوناگوں مشکلات سے دوچار کر دیا ہے۔محکمہ موسمیات کے ایک ترجمان کے مطابق گرمائی دارلحکومت سری نگر میں کم سے کم درجہ حرارت2.4 ڈگری سینٹی گریڈ ریکارڈ ہو کر رواں سیزن کی ایک اور سرد ترین رات ریکارڈ ہوئی ہے۔وادی کے مشہور سیاحتی مقام پہلگام میں شبانہ درجہ حرارت منفی 3.8 ڈگری سینٹی گریڈ جبکہ گلمرگ میں کم سے کم درجہ حرارت 0.5 ڈگری سینٹی گریڈ ریکارڈ ہوا ہے۔
سرحدی ضلع کپوارہ میں کم سے کم درجہ حرارت منفی2.4 ڈگری سینٹی گریڈ جبکہ گیٹ وے آف کشمیر کے نام سے مشہور قصبہ قاضی گنڈ میں شبانہ درجہ حرارت منفی2.3 ڈگری سینٹی گریڈ ریکارڈ ہوا ہے۔دریں اثنا وادی میں ہفتے کو بھی صبح سے ہی مطلع صاف رہا اور ہلکی دھوپ بھی چھائی رہی۔