لیفٹیننٹ جنرل پراتیک شرما کا پونچھ اور سندر بنی سیکٹروں کا دورہ، آپریشنل تیاریوں کا لیا جائزہ

عظمیٰ ویب ڈیسک
پونچھ /فوج کی شمالی کمان کے سربراہ لیفٹیننٹ جنرل پراتیک شرما نے پونچھ اور سندر بنی سیکٹروں کا دورہ کیا اور وہاں آپریشنل تیاریوں نے کا جائزہ لیا۔اس دوران انہوں نے بلند علاقوں میں تعینات جوانوں اور نئی تشکیل شدہ اشنی پلاٹوں سے ملاقات کی اور یو اے ایس اور سی یو اے ایس صلاحیتوں کا معائنہ کیا۔یہ جانکاری فوج کی شمالی کمان نے ’ایکس‘پر ایک پوسٹ کے ذریعے فراہم کی۔
پوسٹ میں کہا گیافوج کی شمالی کمان کے سربراہ لیفٹیننٹ جنرل پراتیک شرما نے پونچھ اور سندر بنی سیکٹروں کا دورہ کیا اور وہاں آپریشنل تیاریوں اور بدلتی ہوئی سیکورٹی صورتحال کا جائزہ لیا۔انہوں نے کہا لیفٹیننٹ جنرل نے بلند علاقوں میں تعینات جوانوں اور نئی تشکیل شدہ اشنی پلاٹوں سے ملاقات کی اور یو اے ایس اور سی یو اے ایس صلاحیتوں کا معائنہ کیا۔پوسٹ میں مزید کہا گیافوجی سربراہ نے تمام رینکس کو عملی تیاری، بہتر نگرانی، درست نشانہ لگانے کی صلاحیت اور مستقبل کے لئے تیاریوں کی سراہنا کی۔