دہلی کا سیاح گلمرگ میں انتقال کرگیا

عظمیٰ ویب ڈیسک
سرینگر/حکام کے مطابق گلمرگ میں دہلی سے تعلق رکھنے والا 68 سالہ سیاح منگل کے روز انتقال کرگیا۔ متوفی کی شناخت حامد علی ولد مرحوم رفاقت علی کے طور پر ہوئی ہے، جو شمالی ضلع بارہمولہ میں واقع مشہور سیاحتی مقام گلمرگ کے ایک ہوٹل میں مقیم تھے۔اطلاعات کے مطابق، حامد علی کو ان کے ہوٹل کے کمرے میں بے ہوش پایا گیا، جس کے بعد ہوٹل عملے نے مقامی صحت حکام کو مطلع کیا۔ انہیں فوری طور پر ٹنگمرگ کے مقامی ہیلتھ بلاک لے جایا گیا، جہاں ڈاکٹروں نے انہیں مزید علاج کے لیے سرینگر کے ایس ایم ایچ ایس اسپتال ریفر کیا۔
تاہم، اسپتال ذرائع نے بتایا کہ سیاح کو مردہ حالت میں اسپتال لایا گیا۔ پولیس نے معاملے کا نوٹس لے لیا ہے۔