سرینگر کے صنعت نگر میں نامعلوم گاڑی کی ٹکر سے راہگیر زخمی

عظمیٰ ویب ڈیسک
سرینگر/سرینگر کے صنعت نگر علاقے میں ایک نامعلوم گاڑی کی ٹکر سے ایک پیدل راہگیر زخمی ہوگیا۔پولیس کے مطابق زخمی کی شناخت سشیل پال ولد ریشی پال ساکن اُتراکھنڈ کے طور پر ہوئی ہے۔ زخمی کو فوری طور پر جے وی سی اسپتال منتقل کیا گیا، جہاں ڈاکٹروں نے اس کی حالت مستحکم قرار دی ہے۔
واقعے کے سلسلے میں پولیس نے تھانہ صدر میں ایف آئی آر نمبر 84/2025 زیر دفعہ 125-A، 281 کے تحت مقدمہ درج کیا ہے۔ پولیس کا کہنا ہے کہ گاڑی اور اس کے ڈرائیور کی شناخت اور سراغ لگانے کی کوششیں جاری ہیں۔پولیس کے مطابق ٹریفک پولیس ٹیموں کو بھی ہدایت دی گئی ہے کہ علاقے کے سی سی ٹی وی فوٹیج کا جائزہ لے کر تفتیش میں معاونت کریں۔