پونچھ میں دو منشیات فروش گرفتار، چرس جیسا مواد بر آمد: پولیس

عظمیٰ ویب ڈیسک
پونچھ/منشیات فروشوں کے خلاف مہم کو وسیع پیمانے پر جاری رکھتے ہوئے جموں و کشمیر پولیس نے ضلع پونچھ میں دو منشیات فروشوں کو گرفتار کرکے ان کی تحویل سے چرس جیسا ممنوعہ مواد بر آمد کیا ہے۔
ایک پولیس ترجمان نے بتایا کہ پولیس اسٹیشن لوران کی ایک ٹیم نے لوہلبالہ لوران میں ایک ناکے کے دوران دو مشتبہ افراد کو روکا۔
انہوں نے کہا کہ تلاشی کے دوران ان کی تحویل سے تقریباً 54 گرام چرس جیسا ممنوعہ مواد بر آمد کیا گیا جس کے بعد دونوں کو موقع پر ہی گرفتار کیا گیا۔
گرفتار شدہ ملزموں کی شناخت شکیل احمد ولد محمد شفیع اور فیاض احمد ولد عبدالسلام ساکنان لوہلبالہ لوران کے طور پر کی گئی ہے۔
پولیس ترجمان نے بتایا کہ اس ضمن میں پولیس اسٹیشن لوران میں این ڈی پی ایس ایکٹ کے متعلقہ دفعات کے تحت زیر ایف آئی آر نمبر21/2025 ایک مقدمہ درج کیا گیا اور مزید تحقیقات شروع کی گئیں۔
انہوں نے کہا کہ پونچھ پولیس منشیات کی بیخ کنی کو یقینی بنانے کے لئے پر عزم ہے تاکہ نوجوانوں کو اس لعنت سے بچایا جاسکے۔