جموں وکشمیر: اگلے دو دنوں کے دوران کہیں کہیں تیز اور بھاری بارشوں کا امکان

عظمیٰ ویب ڈیسک
سری نگر/محکمہ موسمیات نے جموں وکشمیر کے کچھ علاقوں میں اگلے دو دنوں کے دوران بھاری بارشوں کی پیش گوئی کی ہے جبکہ اس دوران کہیں کہیں تیز ہواؤں کے ساتھ تیز بارشوں کا بھی امکان ہے۔محکمے نے اپنی ایڈوائزری میں کہا ہے کہ اس دوران کہیں کہیں بادل پھٹنے، سیلابی ریلے آنے، لینڈ سلائیڈنگ ہونے اور پتھر کھسک آنے کے بھی خطرات ہیں۔
لوگوں سے ندی نالوں، دریاؤں اور کمزور تعمیراتی ڈھانچوں کے نزدیک جانے سے احتراز کرنے کی اپیل کی گئی ہے۔متعلقہ محکمے کے ایک ترجمان نے بتایا کہ جموں وکشمیر میں 17 سے 19 اگست تک کئی مقامات پر گرج چمک کے ساتھ ہلکی سے درمیانی درجے کی بارشوں کا امکان ہے۔
انہوں نے کہا کہ اس دوران جموں وکشمیر کے کچھ علاقوں میں بھاری بارشوں کا امکان ہے جبکہ اس دوران کہیں کہیں تیز ہوائوں کے ساتھ تیز بارشیں ہوسکتی ہیں۔ان کا کہنا ہے کہ بعد ازاں 23 سے 25 اگست تک ہلکی سے درمیانی درجے کی بارشوں کا ایک اور مرحلہ متوقع ہے۔محکمے نے اپنی ایڈوائزری میں کہا کہ جموں و کشمیر کے کچھ علاقوں میں 17 سے 19 اگست تک بھاری اور تیز بارشوں کا امکان ہے اور اس دوران کہیں کہیں بادل پھٹنے، سیلابی ریلے آنے، لینڈ سلائیڈنگ ہونے اور پتھر کھسک آنے کے بھی خطرات ہیں۔
لوگوں سے ندی نالوں، دریائوں اور کمزور تعمیراتی ڈھانچوں کے نزدیک جانے سے احتراز کرنے کی اپیل کی گئی ہے۔ایڈوائزری میں مسافروں سے کہا گیا ہے کہ وہ موسمی صورتحال کے مطابق اپنے سفر کا منصوبہ بنائیں۔دریں اثنا وادی میں اتوار کو صبح سے ہی موسم ابر آلود رہا اور رک رک کر بارشوں کا سلسلہ بھی جاری ہے۔