آنے والے ایام میں چارج ادا کرنا پڑیگا:آر بی آئی گورنر
ممبئی// ریزرو بینک آف انڈیا کے گورنر سنجے ملہوترا نے یونیفائیڈ پیمنٹس انٹرفیس (یو پی آئی)ادائیگی کے بارے میں بڑا اشارہ دیا ہے۔ انہوں نے جمعہ کو کہا کہ مستقبل میں یو پی آئی انٹرفیس کو مالی طور پر مزید مضبوط بنانے پر زور دیا جائے گا۔ اس کے ساتھ انہوں نے کہا کہ آنے والے دنوں میں یہ ڈیجیٹل ادائیگی ہمیشہ مفت نہیں ہوگی۔ اس کے لیے چارج ادا کرنا پڑے گا۔آر بی آئی کے گورنر نے ممبئی میں ایک پروگرام سے خطاب کرتے ہوئے یہ بات کہی۔ انہوں نے کہا کہ ابھی یونیفائیڈ پیمنٹس انٹرفیس (UPI)سسٹم بغیر کسی فیس کے کام کر رہا ہے، لیکن یہ زیادہ دیر تک نہیں چلے گا۔ سنجے ملہوترا نے کہا کہ اگرچہ حکومت اس کے لیے بینکوں اور دیگر اسٹیک ہولڈرز کو کچھ سبسڈی دیتی ہے۔ حکومت ایسا اس لیے کرتی ہے تاکہ UPI سسٹم ریئل ٹائم انفراسٹرکچر میں بغیر کسی رکاوٹ کے چل سکے۔آر بی آئی کے گورنر نے مزید کہا کہ آج کے دور میں ڈیجیٹل ادائیگیوں کو محفوظ بنانا بھی ضروری ہے اور ہمارا ملک ہمیشہ سے اس کے لیے پرعزم رہا ہے اور مستقبل میں بھی ایسا ہی رہے گا۔ انہوں نے خبردار کیا کہ انفراسٹرکچر کی پائیداری کو نظر انداز نہیں کیا جا سکتا۔ ایسی صورت حال میں کسی کو رقم ادا کرنی پڑے گی۔انہوں نے کہا کہ آج کے دور میں ہر کوئی یو پی آئی کی ادائیگی اندھا دھند کر رہا ہے۔ملہوترا نے اس سے جڑے اخراجات کا بھی ذکر کیا۔ انہوں نے کہا کہ یہ بہت تیزی سے بڑھ رہا ہے۔ انہوں نے کہا کہ صرف دو سالوں میں یونیفائیڈ پیمنٹس انٹرفیس (یو پی آئی)کا اعداد و شمار 31کروڑ سے بڑھ کر 60کروڑ ہو گیا ہے۔ اس رفتار نے بنیادی ڈھانچے کو مضبوط بنانے کے لیے دبا ئوپیدا کیا ہے۔
