امرناتھ یاترا:بھگوتی نگر بیس کیمپ سے 7 ہزار 49 یاتریوں کا بارہواں قافلہ روانہ

عظمیٰ ویب ڈیسک
سرینگر/امرناتھ جی یاترا کے لئے 7 ہزار 49 یاتریوں کا بارہواں قافلہ سخت سیکورٹی حصار میں اتوار کی صبح کشمیر کے لئے روانہ ہوا۔
سرکاری ذرائع نے بتایا کہ بھگوتی نگر بیس کیمپ سے اتوار کی صبح 7 ہزار 49 یاتریوں کا بارہواں قافلہ 285 چھوٹی بڑی گاڑیوں میں کشمیر کے لئے روانہ ہوا۔
انہوں نے کہا کہ ان یاتریوں میں سے 4 ہزار 158 یاتری جنوبی کشمیر کے ضلع اننت ناگ میں واقع ننون پہلگام بیس کیمپ جبکہ 2 ہزار 8 سو 91 یاتری وسطی کشمیر کے ضلع گاندربل میں واقع بالتل بیس کیمپ کے لئے روانہ ہوئے۔
افسران کے مطابق اب تک ایک لاکھ 83 ہزار یاتری پوتر گپھا کے درشن سے فیضیاب ہوئے ہیں۔
واضح رہے کہ لیفٹیننٹ گورنر منوج سنہا نے 2 جولائی کو بھگوتی نگر بیس کیمپ سے یاتریوں کے پہلے قافلے کو جھنڈی دکھا کر روانہ کیا تھا۔
امسال 38 دنوں تک محیط یہ پوتر یاترا 9 اگست کو رکشا بندھن کے موقع پر اختتام پذیر ہوگی۔
سال گذشتہ 5 لاکھ سے زیادہ یاتریوں نے پوتر گپھا کا درشن کیا تھا۔