عاصف بٹ
کشتواڑ//اتوار کی بعد دوپہر ضلع کشتواڑ میں زیرتعمیر کیرو پاورجیکٹ میں رونما ہوئے حادثے میں ایک شخص دریائے چناب میں گرگیا جب وہ کام میں مصروف تھا ۔ پولیس ذرائع کےمطابق کیرو پروجیکٹ میں ڈیم سایٹ کے قریب کام کررہا مزدور اس وقت گرگیا جب وہ سایٹ میں لگی شیٹرنگ کھول رہاتھااور دریا میں ڈوب گیا ۔ابتدائی طور اسکی شناخت تلک راج ساکن ہماچل پردیش کے طور ہوئی ۔پولیس و انتظامیہ نے بچاو کاروائی شروع کردی ہے اور تلاش جاری ہے۔
