کانگریس میں سب کچھ ٹھیک ہے: غلام احمد میر

عظمیٰ ویب ڈیسک
سری نگر/کانگریس کے سینئر لیڈر غلام احمد میر نے کانگریس کے اندر کسی بھی قسم کے اختلافات کو رد کرتے ہوئے کہا کہ پارٹی میں سب کچھ ٹھیک ہے۔انہوں نے کہا کہ آج پارٹی کے ورکر آل انڈیا کانگریس کمیٹی (اے آئی سی سی) کے جنرل سکریٹری کے سی وینو گوپال سے ملیں گے۔موصوف لیڈر نے ان باتوں کا اظہار جمعرات کو یہاں نامہ نگاروں کے ساتھ بات کرنے کے دوران کیا۔
انہوں نے کہاآج اے آئی سی سی کے جنرل سکریٹری کے سی وینوگوپال پارٹی کے ورکروں سے ملیں گے۔ان کا کہنا تھاوادی کے تمام اضلاع سے ورکر آئیں گے اور یہاں پارٹی دفتر میں جنرل سکریٹری سے ملیں گے اور ان کے سامنے اپنی بات رکھیں گے۔
ایک سوال کے جواب میں میر نے کہاکانگریس میں سب کچھ ٹھیک ہے۔انہوں نے کہاجو اپنے آپ کو کانگریس کا ورکر سمجھتا ہے اور کانگریس کی پالسیوں کے ساتھ اتفاق کرتا ہے وہ یہاں آکر جنرل سکریٹری کے ساتھ ملاقات کر سکتا ہے۔