زاہد بشیر
گول//محکمہ پشوپالن کی جانب سے پنچایت پرتمولہ میں میں ایک جانکاری کیمپ کا انعقاد کیا گیا، جس کا مقصد کسانوں، مویشی پال حضرات اور دیہی عوام کو مویشیوں کی بہتر نگہداشت، بیماریوں کی روک تھام اور جدید دودھ پیداوار تکنیکوں سے روشناس کرانا تھا۔اس کیمپ میں ویٹرنری آفیسر ان کے علاوہ مقامی معزز شہریوں و زمینداروں نے شرکت کی اور مقامی کسانوں سے براہ راست بات چیت کی۔ اس موقعہ پر ڈاکٹروں نے یہاں پر موجود لوگوں میں مویشیوں کی صحت کی دیکھ بھال اور باقاعدہ نگہداشت ، اور مختلف بیماریوں کے بچائو ، دودھ کی پیداوار میں اضافہ ، اور متوازن خوراک کی اہمیت سے بھی واقف کرایا ۔ اس موقعہ پر محکمہ پشوپالن و پولٹری کی جانب سے دی جانے والی سرکاری سکیموں کے بارے میں زمینداروں کو جانکاری دی اور لوگوں سے کہا کہ وہ سرکار کی جانب سے دئے جانے والے فائدہ کا بھر پور فائدہ اُٹھائیں ۔ بالخصوص وہ نوجوان لڑکے و لڑکیاں جو پڑھے لکھے ہیں وہ زیادہ سے زیادہ فائدہ اٹھا کر بیروزگاری کو دور کر سکتے ہیں ۔کیمپ کے دوران مفت ادویات بھی تقسیم کی گئیں۔ کسانوں نے اس موقع پر کئی سوالات کیے جن کا افسران نے تسلی بخش جواب دیا۔ محکمہ نے یہ یقین دہانی بھی کرائی کہ دیہی علاقوں میں ویٹرنری سہولیات مزید بہتر بنائی جائیں گی۔کسانوں اور مقامی لوگوں نے محکمہ کا شکریہ ادا کیا اور مطالبہ کیا کہ ایسے کیمپس آئندہ بھی وقتاً فوقتاً منعقد کیے جائیں تاکہ وہ جدید جانکاری حاصل کر سکیں۔
