اشتیاق ملک
ڈوڈہ //ضلع ڈوڈہ کی سب ڈویژن گندوہ میں جے سی بی مشین حادثہ میں ایک شخص جاں بحق ہوا ہے۔اطلاعات کے مطابق منگل کو دوپہر ڈھائی بجے گندوہ جائی سڑک پر راجپورہ کے مقام پر ایک جے سی بی مشین زیر نمبر JK02DH-8520حادثہ کا شکار ہوئی جس کے نتیجے میں مشین کا آپریٹر موقع پر ہی جاں بحق ہوا۔اس حادثہ کے فوراً بعد مقامی لوگ و پولیس کی ٹیم موقع پر پہنچی اور امدادی کاروائی شروع کی۔مہلوک نوجوان کی شناخت محمد وسیم ولد عبدالمجيد ساکنہ تھنالہ بھدرواہ کے طور پر ہوئی ہے۔پولیس نے معاملہ درج کر کے مزید تحقیقات شروع کی ہے۔
