زاہدبشیر
گول//سب ڈویژنل مجسٹریٹ گول، امتیاز نے منصف کورٹ سے ہسپتال تک بارڈر سڑکوں، پلوں اور نالیوں کی دیکھ بھال کے حوالے سے ایک اہم میٹنگ کی صدارت کی۔میٹنگ کا مقصد عوام کی سہولت اور حفاظت کے لیے بہتر سڑکوں اور انفراسٹرکچر کو یقینی بنانا تھا۔اس اجلاس میں جونیئر انجینئر اجیت چورسیہ، بی آر او گول بدھن کے سی ایس مینا، اور او آئی سی 52 آر سی سی رام بن گول سمیت دیگر اعلیٰ افسران نے شرکت کی۔میٹنگ کے دوران ایس ڈی ایم نے سڑکوں کی دیکھ بھال اور انفراسٹرکچر کی ترقی سے متعلق مختلف امور پر تبادلہ خیال کیا۔انہوں نے کہا کہ گول بازار میں نالیوں کو بہتر بنایا جائے گا اور جو پلیاں بند پڑی ہیں ان کو بھی کھول کو نکاسی آب کو بہتر بنایا جائے گا جس سے دکانداروں کے ساتھ ساتھ عام لوگوں کو پریشانی کا سامنا نا کرنا پڑے ۔ایس ڈی ایم نے اس بات پر زور دیا کہ لوگوں اور اشیاء کی آسان اور محفوظ نقل و حرکت کو یقینی بنانے کے لیے سڑکوں کی مناسب حالت کو برقرار رکھنا نہایت ضروری ہے۔
