اشتیاق ملک
ڈوڈہ //گذشتہ روز ضلع صدر مقام ڈوڈہ سے چند ہی کلومیٹر کی دوری پر واقع پل ڈوڈہ کے مقام پر دو کمسن بھائی کرکٹ کھیلنے کے دوران دریائے چناب میں غرقاب ہوئے جن کی تلاش دوسرے روز بھی جاری رہی۔اطلاعات کے مطابق پولیس، ایس ڈی آ رایف و سیول انتظامیہ نے مقامی رضا کار تنظیموں کے ساتھ دوسرے روز بھی مشترکہ طور پر تلاش کیا لیکن دیر شام تک کوئی سراغ نہیں ملا۔واضح کہ گذشتہ روز پل ڈوڈہ کے مقام پر دو بھائی ابرار احمد (10)و اسرار احمد (12)ولد فاروق احمد کرکٹ کھیل رہے تھے جس دوران وہ گیند کی تلاش میں دریائے چناب میں جاگرے۔اس حادثہ کے فوراً بعد ڈپٹی کمشنر ڈوڈہ ہرویندر سنگھ و پولیس کے اعلیٰ افسران جائے وقوعہ پر پہنچے اور تلاش کاروائی شروع کی تاہم آج دوسرے روز بھی ان کا کوئی سراغ نہیں ملا۔
