اسٹوانگر (ناروے ) /یو این آئی/ناروے شطرنج 2025 کے ساتویں راؤنڈ میں موجودہ عالمی چیمپئن دوماراجو گوکیش نے دلچسپ مقابلے میں ہم وطن ارجن ایریگائسی کو شکست دی۔گوکیش نے پہلی بار ارجن کو کلاسیکل شطرنج میں ہرایا ہے ۔ یہ ٹورنامنٹ میں گوکیش کی مسلسل دوسری جیت ہے ۔ اس جیت کے ساتھ ہی گوکیش کے 11.5 پوائنٹس ہو گئے ہیں اور وہ چیمپئن شپ میں دوسرے مقام پر پہنچ گئے ہیں۔ امریکی گرینڈ ماسٹر فیبیانو کاروانا 12.5 پوائنٹس کے ساتھ سرفہرست ہیں۔خواتین کے زمرے میں یوکرین کی انا موزیچک نے آرمگیڈن ٹائی بریک میں دو مرتبہ کی عالمی ریپیڈ چیمپئن کونرو ہمپی کو شکست دی۔ ایک اور ہندوستانی کھلاڑی آر ویشالی کو چین کی لی ٹِنگجی سے شکست کا سامنا کرنا پڑا۔
