یواین آئی
اسٹوانگر (ناروے )/عالمی چیمپئن ہندوستان کے ڈی گوکیش نے ناروے کے شطرنج ‘اوپن’ ایونٹ میں امریکہ کے گرینڈ ماسٹر فابیانو کاروانا کے خلاف شاندار آرمگڈن ٹائی بریک میں فتح حاصل کی۔ اسی دوران، ارجن ایریگیسی کو میگنس کارلسن کے ہاتھوں شکست کا سامنا کرنا پڑا۔چوتھے راؤنڈ میں گوکیش نے چار گھنٹے سے زائد کے طویل اور سنسنی خیز مقابلے میں اپنے شطرنج کے ہنر کا شاندار مظاہرہ کرتے ہوئے فابیانو کاروانا کو شکست دی۔ گوکیش کی بہترین دفاعی حکمت عملی کے سامنے ، کاروانا اپنی برتری کو قائم نہیں رکھ پائے ۔ اس کے بعد گوکیش نے آرمگڈن میں آسانی سے کامیابی حاصل کی۔کارلسن آٹھ پوائنٹس کے ساتھ سر فہرست ہیں، جب کہ گوکیش اور ایریگاسی 4.5 پوائنٹس کے ساتھ مشترکہ طور پر چوتھے نمبر پر ہیں۔خواتین کے ایونٹ میں، ہندوستان کی آر۔ ویشالی نے آرمگڈن ٹائی بریک میں یوکرین کی اینا موجیچک کو شکست دی۔ عالمی چیمپئن وینجون ژو نے کویٔنرو ہمپی کو ہرا دیا۔ ہندوستان کی سرکردہ خاتون کھلاڑی ہمپی اس وقت موجیچک کے ساتھ مشترکہ طور پر چوٹی پر ہیں۔
