فوجی سربراہ کا بارہمولہ کے اگلے علاقوں کا دورہ، ’آپریشن سندور‘کے دوران جوانوں کے رول کو سراہا

عظمیٰ ویب ڈیسک
سری نگر/فوجی سربراہ جنرل اوپیندر دویدی نے جمعرات کو شمالی کشمیر کے ضلع بارہمولہ میں اگلے علاقوں کا دورہ کیا اور ’آپریشن سندور‘کے دوران جوانوں کے رول کو سراہا۔انہوں نے ’آپریشن سندور‘کے دوران لائن آف کنٹرول پر غلبہ حاصل کرنے کے لیے فوجی جوانوں کی سراہنا کی۔فوجی سربراہ نے جوانوں سے فیصلہ کن قوت کے ساتھ کسی بھی چیلنج کا مقابلہ کرنے کے لیے ہمیشہ تیار رہنے کو کہا۔
فوج کی ایڈیشنل ڈائریکٹوریٹ جنرل آف پبلک انفارمیشن ( اے ڈی جی پی آئی) نے جمعرات کو اپنےایکس ہینڈل پر ایک پوسٹ میں کہاجنرل اوپیندر دویدی، سی او اے ایس، نے ڈگر ڈویژن کے اگلے علاقوں کا دورہ کیا اور تمام رینکز کے ساتھ بات چیت کی۔
انہوں نے کہافوجی جوانوں سے خطاب کرتے ہوئے جنرل دویدی نے آپریشن سندور کے دوران لائن آف کنٹرول پر غلبہ حاصل کرنے کے لیے ان کی بہادری، جوش اور چوکس اقدامات کو سراہا۔پوسٹ میں کہا گیافوجی سربراہ نے پاکستان کے زیر قبضہ جموں و کشمیر میں دہشت گردی کے کیمپوں کو تباہ کرنے میں فوجی جوانوں کے کردار کی تعریف کی۔
انہوں نے کہاآرمی چیف نے نے پاکستان کی طرف سے لائن آف کنٹرول پر گولہ باری کا نشانہ بننے والے شہریوں کو مدد فراہم کرنے میں ڈگر ڈویژن کے کردار کو سراہا۔پوسٹ میں کہا گیا: ‘ انہوں نے فوجی جوانوں کو کسی بھی چیلنج کا فیصلہ کن قوت سے جواب دینے کے لیے ہمیشہ تیار رہنے کی ضرورت پر زور دیا۔