سری نگر جموں قومی شاہراہ پر ٹریفک رواں دواں، مال بر دار گاڑیوں کو سری نگر سے جموں جانے کی اجازت

عظمیٰ ویب ڈیسک
سری نگر/وادی کشمیر کو ملک کے باقی حصوں کے ساتھ جوڑنے والی سری نگر – جموں قومی شاہراہ پر مسافر بر دار گاڑیوں کی دو طرفہ نقل و حمل جاری ہے جبکہ آج مال بر دار گاڑیوں کو سری نگر سے جموں جانے کی اجازت ہے۔حکام کا کہنا ہے کہ بدھ کی سہہ 4 بجے سے مال بر دار گاڑیوں کو قاضی گنڈ سے جموں جانے کی اجازت نہیں ہوگی۔
ٹریفک حکام نے بدھ کو بتایاقومی شاہراہ پر مسافر بر دار گاڑیوں کی دو طرفہ نقل و حمل جاری ہے تاہم بڑی گاڑیوں (مال بر دار گاڑیوں) کو آج وادی سے جموں جانے کی اجازت ہے۔انہوں نے کہا کہ بدھ کی سہہ 4 بجے سے مال بر دار گاڑیوں کو قاضی گنڈ سے جموں جانے کی اجازت نہیں ہوگی۔مسافروں سے لین ڈسپلن پر عمل کرنے اور اوور ٹیکنگ سے اجتناب کرنے کی تاکید کی گئی ہے۔
ٹریفک حکام کا کہنا ہے کہ جنوبی کشمیر کے ضلع شوپیاں کو صوبہ جموں کے پونچھ اور راجوری اضلاع کے ساتھ جوڑنے والے تاریخی مغل روڈ اور وادی کو لداخ یونین ٹریٹری کے ساتھ جوڑنے والی لیہہ – سری نگر شاہراہ پر ایڈوائزری کے مطابق ٹریفک رواں دواں ہے۔