بڈگام میں 2 منشیات فروش گرفتار، ممنوعہ مواد بر آمد:پولیس

عظمیٰ ویب ڈیسک
سری نگر/منشیات کے خلاف مہم کو وسیع پیمانے پر جاری رکھتے ہوئے پولیس نے وسطی کشمیر کے ضلع بڈگام میں 2 منشیات فروشوں کو گرفتار کرکے ان کی تحویل سے ممنوعہ مواد بر آمد کیا ہے۔ایک پولیس ترجمان نے اپنے ایک بیان میں تفصیلات فراہم کرتے ہوئے کہا کہ پولیس پوسٹ سویہ بگ کی ایک ٹیم نے دیار برج سویہ بگ میں ایک ناکہ لگا دیا گیا۔
انہوں نے کہا کہ اس دوران دو مشکوک افراد کو دھر لیا گیا جنہوں نے پولیس کو دیکھ کر فرار ہونے کی کوشش کی۔بیان میں کہا گیا کہ تلاقشی کے دوران ان کی تحویل سے ہیرائن جیسا مواد بر آمد کیا گیا جس کے بعد دونوں کی گرفتاری عمل میں لائی گئی۔
گرفتار شدگان کی شناخت محمد عمران خان ولد عبدالرحمان خان اور وارث رشید ڈار ولد عبدالرشید ڈار ساکنان نارکرہ بڈگام کے طور پر کی گئی ہے۔پولیس ترجمان نے بتایا کہ اس سلسلے میں پولیس اسٹیشن بڈگام میں این ڈی پی ایس ایکٹ کے تحت ایک کیس درج کرکے مزید تحقیقات شروع کی گئی۔انہوں نے کہا کہ بڈگام پولیس معاشرے سے منشیات کی بیخ کنی کو یقینی بنانے کے لئے پر عزم ہے۔