محمد تسکین
بانہال// جمعہ کی دوپہر بعد جموں سرینگر قومی شاہراہ پر ناچلانہ کے قریب سڑک کے ایک حادثے میں تین پولیس اہلکار اسوقت زخمی ہوئے ہیں جب ان کی سیکورٹی جپسی سڑک پر الٹ گئی۔ پولیس نے بتایا کہ حادثے کا شکار ہوئی پولیس چبسی سرینگر سے جموں کی طرف جار ہی تھی اور جسٹس ونود کول کے قافلے کا حصہ تھی اور یہ جپسی شاہراہ پر ہوئی بارش کے نتیجے میں پیدا ہوئی سلپ سے ناچلانہ کے مقام سڑک پر الٹ گئی۔حادثے کی خبر ملتے ہی بانہال پولیس اور بانہال والنٹیرس کے رضاکاروں نے فوری طور پر بچاؤ کاوائی انجام دیتے ہوئے تینوں زخمیوں کو سب ضلع ہسپتال بانہال منتقل کیا جہاں ان کی حالت مستحکم بتائی جاتی ہے۔ انہوں نے زخمی پولیس اہلکاروں کی شناخت سریش کمار 30 ساکنہ تلاب تلو جموں، گلزار احمد 32 ساکنہ پٹن بارہمولہ اور وپن کمار 55 ساکن سانبہ کے طور پر کی ہے اور گلزار احمد کو مزید اور بہتر علاج کیلئے بانہال ہسپتال سے جی ایم سی اننت ناگ منتقل کیا گیا ہے۔بانہال پولیس سٹیشن میں اس سلسلے میں ایک کیس درج کرکے مزید تحقیقات شروع کردی گئی ہے۔
