ایجنسیز
جے پور/انڈین پریمیئر لیگ (آئی پی ایل) کے 18واں ایڈیشن میں شائقین کرکٹ کو انہتائی دلچسپ اور کانٹے دار مقابلے دیکھنے کو مل رہے ہیں، لیگ میں آج (جمعرات کو)مزید ایک میچ کھیلا جائے گا۔لیگ کا 50واں میچ راجستھان رائلز اور ممبئی انڈینز کی ٹیموں کے درمیان سوائی مان سنگھ سٹیڈیم، جے پور میں کھیلا جائے گا۔راجستھان رائلز کی ٹیم کو مایہ ناز وکٹ کیپر بلے باز سنجو سیمسن لیڈ کریں گے جبکہ ممبئی انڈینز کو مایہ ناز بائولنگ آل رائونڈر ہاردک پانڈیالیڈ کریں گے۔ ممبئی انڈینز کی ٹیم پوائنٹس ٹیبل پر 12 پوائنٹس کے ساتھ دوسرے نمبر پر موجود ہے جبکہ راجستھان رائلز کی ٹیم 6 پوائنٹس کے ساتھ ٹیبل پر آٹھویں نمبر پر ہے۔لیگ کے 18ویں ایڈیشن میں شامل 10 ٹیموں کیدرمیان فائنل سمیت مجموعی طور پر74میچ کھیلے جائیں گے۔لیگ میں کولکتہ نائٹ رائیڈرز کی ٹیم ٹائٹل کا دفاع کے لئے کوشاں ہے۔ لیگ میں شامل 10 ٹیموں میں دفاعی چیمپئن کولکتہ نائٹ رائیڈرز کے علاوہ دیگر ٹیموں میں چنائی سپر کنگز،گجرات ٹائٹنز،ممبئی انڈینز، دہلی کیپٹلز، پنجاب کنگز، راجستھان رائلز، رائل چیلنجرز بنگلور، سن رائزرز حیدر آباد اور لکھنؤ سپر جائنٹس شامل ہیں۔
