حسین محتشم
پونچھ//پولیس لائن پونچھ کے قریب اور متعدد مقامات پر منڈی پونچھ سڑک جو کہ سرنکوٹ کی بھی متبادل سڑک ہے پولیس لائن پونچھ اور دیگر مختلف مقامات پر خستہ خالی کا شکار ہے جس کی وجہ سے عوام پریشان ہے۔پولیس لائن کے قریب کہ دکانداروں کا کہنا ہے کہ سڑک کی خستہ حالی کی وجہ سے انہیں کئی طرح کے مشکلات کا سامنا ہے۔انہوں نے کہا کہ سڑک کی اس قدر خستہ حالت ہے کہ اس کی ساری دھول ان کی دکانوں کے اندر ا کر ان کے سودا سلف کو نقصان پہنچاتی ہے۔انہوں نے کہاکہ اس سے بچنے کیلئے انہوں نے دکانوں کے باہر بڑے بڑے شیشے لگائے تھے جو ٹائروں کے نیچے سے نکل والے پتھروں کی وجہ سے ٹوٹ پھوٹ کا شکار ہو جاتے ہیں۔شہریوں کا کہنا ہے کہ مختلف اسکولوں کے ہونے طلباء کا یہاں سے گزر ہوتا ہے ان کے علاوہ معمر افراد اور خواتین کو کو بھی سڑک کی خستہ خالی سے پریشانی رہتی ہے ان کہنا تھا کہ کیا لیڈران کسی حادثے کے بعد بیدار ہوں گے؟۔انہوں نے کہا سڑک پر اس قدر گڑھے ہیں کہ راہ گیروں کا یہاں سے گزر نا مشکل ہو گیا ہے۔ بارش کے دنوں میں گڑھوں میں پانی بھرا رہتا ہے جبکہ یہاں سے اسکولی طلباء، خواتین اور معمر افراد کا گزر ہوتا رہتا ہے۔ عوام کی شکایت ہے کہ علاقے کے لیڈران کی سڑک کی خستہ حالی پر کوئی توجہ نہیں ہے۔انہوں نے کہاویسے تو لیڈران اپنے کاموں کا خوب ڈھونڈورا پیٹتے ہیں تاہم منڈی پونچھ سڑک جو کہ ایک اہم سڑک ہے اس کی طرف کسی کی کوئی توجہ نہیں۔ انہوں نے کہا ’’اس سڑک پر طلبہ یا خواتین کے ساتھ کبھی بھی کوئی حادثہ پیش آ سکتا ہے۔انہوں نے کہا ہمارے لیڈران اپنے کئے ہوئے کاموں کی تشہیر جاری رکھے ہوئے ہیں جہاں انہوں نے اتنے کام کئے ہیں تو وہ ذرا اس سڑک کی طرف بھی توجہ دیں۔ ایک مقامی باشندے کا کہنا ہے کہ سیاسی اور سماجی تنظیمیں اس وقت بے حسی کی چادر اوڑھے سو رہی ہیں الیکشن قریب آتے ہی اٹھیں گی اور سرگرم ہو جائیں گی۔انہوں نے کام کرنے والی سماجی تنظیموں سے سوال کیا کہ کیا یہ سب اس سڑک پر کسی طالب علم کے ساتھ کوئی حادثہ پیش آنے کے بعد ہی جاگیں گے؟۔ انہوں نے مطالبہ کیا کہ جلد از جلد سڑک پر پڑے ان گڑھوں کو بھرنے کا اقدام کئیجائیں ورنہ مجبوراً عوام کو بڑے پیمانے پرا حتجاج کیلئے سڑک پر اترنا پڑے گا۔
